ونىڭ سوزىنشە، رەسەي "دونەتسك حالىقتىق رەسپۋبليكاسى" (دحر) جانە "لۋگانسك حالىقتىق رەسپۋبليكاسى" (لحر) دەپ اتالعان جىكشىل ايماقتاردى دونەتسك جانە لۋگانسك وبلىستارىنىڭ ۋكراينانىڭ قۇرامىندا بولعان كەزدەگى شەكارالارىمەن تانىدى. بۇگىنگى كۇنى ول وبلىستاردىڭ كوپشىلىك ايماعىن جىكشىلدەر ەمەس، ۋكراين بيلىگى باقىلايدى.
ء"بىز بۇل رەسپۋبليكالاردى تانىدىق. دەمەك، ولاردىڭ بارلىق نەگىزگى قۇجاتتارىن، ونىڭ ىشىندە كونستيتۋتسياسىن دا مويىندادىق. كونستيتۋتسيادا دونەتسك جانە لۋگانسك وبلىستارىنىڭ قۇرامىندا تۇرعان كەزىندەگى شەكارالارى كورسەتىلگەن. بۇل بويىنشا بارلىق تالاستى ماسەلەلەر ۋكراينانىڭ جانە اتالعان رەسپۋبليكالاردىڭ بيلىكتەرىنىڭ ورتاسىنداعى سويلەسۋلەر بارىسىندا شەشىلەدى دەپ ەسەپتەيمىز", - دەدى پۋتين.
رەسەي پرەزيدەنتى ماسكەۋ "دحر" جانە "لحر" جىكشىل ايماقتاردى تانىعاندىقتان، بۇدان ءارى مينسك كەلىسىمى جوق دەپ ەسەپتەسە بولادى دەدى.
22 اقپاندا رەسەيدىڭ فەدەراتسيالار كەڭەسى دونباسستاعى وقيعالارعا بايلانىستى ۆلاديمير پۋتينگە ورىس ارمياسىن شەتەلدەردە قولدانۋعا رۇقسات بەرگەن.
21 اقپاندا پۋتين رەسەي "دحر" جانە "لحر" دەپ اتالعان جىكشىل ايماقتاردى تانىعانىن جاريالاپ، اتالعان ايماقتارعا ورىس اسكەرلەرى كىرگىزىلەتىنىن مالىمدەگەن.
Abai.kz
