"بادەن-ۆيۋرتەمبەرگ ايماعى اۆتوكراتتاردىڭ باس ساۋعالايتىن جەرى بولىپ قالماس ءۇشىن ءسىزدى جانە جەرگىلىكتى ۇكىمەتتى قولدان كەلگەن بارلىق شارالاردى قولعا الىپ، ونىڭ ىشىندە مۇلىكتەردى تاركىلەۋگە شاقىرامىن. بۇل ءبىزدىڭ قازاقستانداعى دەموكراتيالىق كۇشتەردىڭ الدىنداعى مىندەتىمىز",- دەپ جازىلعان ايماقتىڭ پرەمەر-ءمينيسترى ۆينفريد كرەتچمانعا جولدانعان ۇندەۋىندە.
وسىعان دەيىن DW قۇلىباەۆتار جانە ولارعا قاتىسى بار كومپانيالار بادەن-ۆيۋرتەمبەرگ ايماعىنان زەەلو قالاسىنداعى 100 ميلليون ەۋروعا باعالانعان ۆيللاعا، حانسارايعا جانە ەكى قوناق ۇيگە يەلىك ەتەتىنى تۋرالى زەرتتەۋ جاريالانعان.
مالىمەتكە قاراعاندا، 19 عاسىردا زەەلوداعى حانساراي بەلگىلى ورىس ديپلوماتى، جاسىرىن كەڭەسشى ميحايل حرەپتوۆيچتىڭ جازعى رەزيدەنتسياسى بولعان. ول ون جىل بويى قايتا جوندەۋدەن ءوتىپ، جالپى باعاسى 60 ميلليون ەۋروعا دەيىن جەتكەن.
قۇلىباەۆتارعا حانسارايدان باسقا تاعى ءۇش جىلجىمايتىن مۇلىك تيەسىلى – ۆيللا جانە ەكى قوناق ءۇي. حانسارايعا يەلىك ەتكەن Schloss Seelach Invest GmbH كومپانياسى Verus Praedium International قازاق كومپانياسىنا تيەسىلى. ءوز كەزەگىندە وعان الماتىداعى "كيپروس" كومپانياسى يەلىك ەتەدى. اشىق-انىقتاۋ رەەسترىندەگى تىزىمگە سايكەس، تيمۋر قۇلىباەۆ Schloss Seelach Invest GmbH كومپانياسىنىڭ بەنەفيتسيارى.
ول رەەسترگە سايكەس، تيمۋر جانە دينارا قۇلىباەۆتار قازاقستانداعى Mercury Properties كومپانياسى ارقىلى گەرمانياداعى Bühlerhöhe Castle Invest GmbH كومپانياسىنا يەلىك ەتەدى. بۇل كومپانياعا گەرمانياداعى ەكى قوناق ءۇي تيەسىلى.
Abai.kz
