ۋكراينا پرەزيدەنتى ۆلاديمير زەلەنسكي رەزەرۆتەگى ازاماتتاردى اسكەرگە شاقىرۋ تۋرالى جارلىققا قول قويدى. بۇل تۋرالى مەملەكەت باسشىسى تەلەگرام ارناسىنا جاريالانعان ۇندەۋىندە ايتتى.

«مەن تەك جەدەل رەزەرۆكە كىرەتىن ازاماتتار تۋرالى ايتىپ جاتقانىمدى مالىمدەيمىن»، - دەدى ول حالىقتى تولىق جۇمىلدىرۋدىڭ ازىرگە قاجەتى جوق ەكەنىن ەسكەرتىپ.

سونداي-اق بيزنەس پەن بانك جۇيەسى ۋاقىتشا سالىقتان بوساتىلدى جانە جانارماي مەن ديزەلگە قوسىمشا قۇن سالىعى تومەندەتىلدى. ۋكراينانىڭ توتەنشە جاعداي قىزمەتى لۋگانسك جىلۋ ەلەكتر ستانتسياسى زەڭبىرەكپەن اتقىلانعانىن حابارلادى.

«رەسەي مينسك كەلىسسوزدەرىنەن ءبىر جاقتى جولمەن شىعىپ كەتتى. ءبىز ءۇشىن بۇگىن اتىستى توقتاتۋعا كۇش سالۋدان باسقا امال جوق. مەن بۇل ماسەلەنى ەكى جاقتى كەلىسسوزدەر ارقىلى جانە باسقا كوشباسشىلاردىڭ قاتىسۋىمەن شەشۋگە دايىنمىن. سەرىكتەس ەلدەردىڭ سانكتسيالار ەنگىزىپ جاتقانىنا قۋانىشتىمىن. ۋكراينا – بەيبىتسۇيگىش حالىق، بىراق بۇگىن ۇندەمەسەك، ەرتەڭ جوق بولامىز”-, دەدى پرەزيدەنت.

Abai.kz