بۇگىن الماتىدا بەلسەندى جاستار ۋكراينانى قولداۋ ماقساتىندا بەيبىت اكتسيا ۇيىمداستىرىپ، رەسەي ەلشىلىگىنىڭ عيماراتىنا بارعانى ايتىلۋدا.

ولار رەسەي بيلىگىنىڭ اگرەسسورلىق ارەكەتىنە جانە رەسەي ارمياسىنىڭ ۋكراينا تەرريتورياسىنا باسىپ كىرۋىنە قارسىلىقى بىلدىرگەن.

تاقىرىپقا تۇزدىق:

قر ۇلتتىق ستاتيستيكا بيۋروسىنىڭ 2022 جىلعى مالىمەتى بويىنشا، قازاقستاندا 3 ملن 512 925 ورىس ۇلتىنىڭ ازاماتتارى تۇرادى. جالپى حالىقتىڭ ۇلەسى بويىنشا 18,58 پايىزدى قۇرايدى.

ال، ۋكراين ۇلتىنىڭ ەلىمىزدەگى جالپى سانى - 263 962, بۇل حالىقتىڭ 1,42 پايىزىن قۇرايدى ەكەن.

رەسەيدەگى قازاقستان ەلشىلىگى سايتىندا: بۇكىلرەسەيلىك حالىق ساناعىنىڭ دەرەكتەرى بويىنشا (2010 ج.) رف قازاقتارىنىڭ سانى (21 وبلىس جانە وڭىردە ) 647 732 ادامدى ياعني، بۇكىل حالىقتىڭ 0,65% قۇرايتىنى جازىلعان.

باسقا دەرەكتەر بويىنشا رەسەيدە 800 مىڭنان 1,5 ملن-عا دەيىن قازاق تۇرادى ەكەن. ماسكەۋ قالاسى مەن ماسكەۋ وبلىسىندا شامامەن 13 مىڭ ادام تىركەلگەن. قازاق دياسپوراسىنىڭ باسقا دا جيناقى تۇراتىن جەرلەرى قر-مەن شەكارالاس وبلىستار: استراحان (149 مىڭ); ورىنبور (120 مىڭ); ومبى (78 مىڭ); ساراتوۆ (76 مىڭ); ۆولگوگراد (76 مىڭ); چەليابى (35 مىڭ); تۇمەن (19 مىڭ), - دەپ كورسەتىلگەن.

رەسمي دەرەكتەر بويىنشا ۋكرايناداعى قازاق ۇلتىنىڭ ادامدارى 2016 جىلى 60 920 ادام دەپ كورسەتىلگەن. ال، رەسمي ەمەس دەرەكتەر ۋكراينادا 40 مىڭداي قازاقتار تۇرىپ جاتىر دەيدى.

Abai.kz