قازاقستانداعى اۋە كومپانيالارىنا ۋكراينا اۋە كەڭىستىگىندە ۇشۋعا تىيىم سالىندى. رەسپۋبليكانىڭ ازاتتىق اۆياتسيا كوميتەتىنىڭ ءباسپاسوز قىزمەتى حابارلادى.

"ۋكراينا اۋماعىندا ۇشۋ ازاماتتىق اۆياتسيا ءۇشىن وتە قاۋىپتى ەكەنى ەسكەرىلىپ، وتاندىق اۋە كومپانيالارىنا ۋكراينانىڭ اۋە كەڭىستىگىمەن ۇشۋعا تىيىم سالىندى", — دەلىنگەن كوميتەت مالىمدەمەسىندە.

مالىمەتتەرگە قاراعاندا، الماتى — كيەۆ ("ەير استانا" اۋە كومپانياسى، اپتاسىنا ءۇش رەت), نۇر-سۇلتان — كيەۆ ("ەير استانا", اپتاسىنا ءبىر رەت) رەيستەرى ۇشپايتىن بولدى.

"ەير استانا" اۋە كومپانياسى كيەۆقا قاتىنايتىن رەيستەردىڭ ءبارى 2022 جىلدىڭ 7 ناۋرىزىنا دەيىن توقتاعانىن حابارلادى.

Abai.kz