ماسكەۋدەگى اقش ەلشىلىگى امەريكالىق ازاماتتارعا رەسەيدەن دەرەۋ كەتۋگە كەڭەس بەردى.

امەريكالىق ديپلوماتتار رەسەيدەگى اقش ازاماتتارى قولجەتىمدى كوممەرتسيالىق رەيستەردى پايدالانىپ تەزىرەك قايتۋى كەرەك دەدى.

"كوپ اۆياكومپانيالار رەسەيگە جانە رەسەيدەن كەلەتىن رەيستەردى توقتاتىپ جاتىر، ال كوپتەگەن ەلدەر رەسەيلىك اۋە كومپانيالارى ءۇشىن اۋە كەڭىستىگىن جاۋىپ تاستادى. اقش ازاماتتارى ءالى دە قولجەتىمدى كوممەرتسيالىق وپتسيالار ارقىلى رەسەيدەن دەرەۋ كەتۋ مۇمكىندىگىن قاراستىرۋى كەرەك", - دەلىنگەن ەلشىلىكتىڭ سايتىندا.

ەلشىلىكتىڭ مالىمەتىنشە، ۋكرايناداعى امەريكالىقتارعا، قاۋىپسىز جولدى قاراستىرىپ ەلدەن شىعۋدى ۇسىندى. مەملەكەتتىك دەپارتامەنت پولشا، مولدوۆا، ۆەنگريا، رۋمىنيا جانە سلوۆاكياعا وتۋگە كەڭەس بەرەدى.

ەلشىلىك امەريكالىقتاردان "اقش ۇكىمەتىنىڭ كومەگىن قامتىمايتىن ءىس-قيمىل جوسپارىن" ويلاستىرۋدى سۇرادى.

Abai.kz