ۇلىبريتانيا پارلامەنتىندە رەسەيگە قارسى سانكتسيا سالۋ تالقىلانىپ جاتقاندا، قازاقستان باسشىلىعىنا دا شارا قولدانۋدى سۇرادى.

وتكەن ايدا قازاقستاننىڭ “كلەپتوكراتيالىق ەليتاسىنا” قارسى سانكتسيا ەنگىزۋدى كوتەرگەن پارلامەنت مۇشەسى مارگارەت حودج 1 ناۋرىزدا ماسكەۋگە عانا ەمەس، رەسەي پرەزيدەنتىن قولداپ جاتقان قازاقستان مەن ازەربايجانعا دا شەكتەۋ سالۋ قاجەتتىگىن ءبىلدىردى.

بريتانيا سىرتقى ىستەر ءمينيسترى ەليزابەت تراسس نۇر-سۇلتان مەن باكۋگە قارسى سانكتسيا سالۋ مۇمكىندىكتەرى جونىندە ماسەلەنى زەرتتەۋ قاجەتتىگىن ايتتى. ول قازىر لوندون رەسەي مەن بەلارۋسقا قارسى سانكتسيا سالۋمەن اينالىسىپ جاتقانىن جەتكىزدى.

3 اقپاندا مارگارەت حودج بريتان ۇكىمەتىن كوررۋپتسياعا قارسى سالىنعان سانكتسيالاردى بۇزعان قازاقستاندىق جەمقورلارعا قارسى شارالاردى كۇشەيتۋگە شاقىرعان. ول بۇل پىكىرىن “قازاقستان: انتيكوررۋپتسيالىق سانكتسيالار” دەپ اتالعان دەباتتا ايتقان.

حودج سانكتسيا سالۋ كەرەك دەگەن ونشاقتى ادامنىڭ اتىن اتاپ، ولار ۇرلانعان اقشانى زاڭداستىرۋعا ارەكەت جاساپ جاتقانىن جەتكىزگەن. ولاردىڭ ىشىندە قازاقستاننىڭ ءبىرىنشى پرەزيدەنتى نۇرسۇلتان نازارباەۆتىڭ تۇسىندا ميللياردەر، بيزنەسمەن بولعان ادامدار مەن ونىڭ تۋىستارى بار.

ول ءوز ەلىن توناپ كەلگەن جەمقورلارعا قارسى سانكتسيالار سالۋ كەرەك ەكەنىن ايتقان.

Abai.kz