جينالىستا "قازاقستاننىڭ وڭتۇستىك وڭىرلەرىن سۋمەن قامتاماسىز ەتۋ جانە قىرعىز رەسپۋبليكاسىمەن ەلەكتر ەنەرگياسىن الماسۋ" ماسەلەلەرى تالقىلانعان. سۋ كەڭەسىنىڭ وتىرىسىندا قازاق جانە قىرعىز تاراپتارى ەلەكتر قۋاتى مەن سۋ الماسۋعا كەلىسكەنى ايتىلعان.
قىرعىزستاننىڭ رەسمي ورگاندارى ازىرگە بۇل تاقىرىپ جونىندە مالىمەت تاراتپادى.
ەسكە سالايىق، 2021 جىلعى جەلتوقساننىڭ باسىندا قازاقستاننىڭ سول كەزدەگى پرەمەر-ءمينيسترى اسقار ءمامين قىرعىز ۇكىمەتىنىڭ باسشىسى اقىلبەك جاپاروۆپەن كەزدەسىپ، قازاقستاننىڭ وڭتۇستىك وڭىرلەرىن سۋمەن قامتاماسىز ەتۋ ءۇشىن جازدا قوسىمشا سۋ جىبەرگەنىنە العىس ايتقان. قىرعىزستان ۇكىمەتى تاراتقان حابارلامادا ول تۋرالى ەشتەڭە ايتىلمادى.
قىرعىزستانداعى ساراپشىلار سول كەزدە سۋ تاپشىلىعىن كورگەن قىرعىزستاننىڭ قازاقستانعا قوسىمشا سۋ جىبەرگەنىن سىناعان، ويتكەنى توقتوعۇل قويماسىنداعى سۋ دەڭگەيى ازايىپ كەتكەن.
سۋدى ۇنەمدەۋ ءۇشىن قىرعىزستان ۇكىمەتى كورشى ەلدەردەن ەلەكتر قۋاتىن الۋعا ءماجبۇر بولدى. قىرعىزستان بيىل دا ەلەكتر ەنەرگياسىن كورشى ەلدەردەن الادى. بىشكەك قازاقستان، وزبەكستان جانە تۇركىمەنستانمەن 3 ملرد كۆت/س ەلەكت ەنەرگياسىن الۋ جونىندە كەلىسىپ قويدى.
Abai.kz
