قىرعىزستان ازاماتتارى كورشى ەلگە اۋە جولى ارقىلى عانا وتە الادى. ال قازاقستان ازاماتتارى بولسا قىرعىزستان شەكاراسىنان ەركىن ءوتىپ ءجۇر. شەكاراداعى باقىلاۋ-وتكىزۋ بەكەتتەرىندە قازاقستاندىقتارعا ەشقانداي شەكتەۋ جوق.

كوروناۆيرۋس ىندەتىنە دەيىن "اق-جول" شەكارا بەكەتى ارقىلى كۇندە شامامەن 10 مىڭ ادام جانە 1,5 مىڭ اۆتوكولىك وتەتىن. تۋريستىك ماۋسىم باستالعان ۋاقىتتا 35 مىڭعا جۋىق ازامات، 2,5 مىڭ اۆتوكولىك شەكارا اساتىن.

"مينيستر رۋسلان قازاقباەۆ قىرعىزستان ازاماتتارىنىڭ قىرعىز-قازاق مەملەكەتتىك شەكاراسىنان كەدەرگىسىز ءوتۋ ماسەلەسىن تاعى دا كوتەرىپ، شەكارانى تەزىرەك اشۋىن سۇرادى", - دەپ حابارلادى قىرعىزستاننىڭ سىرتقى ىستەر مينيسترلىگى.

قازاقستان ەلشىسىنىڭ نە دەپ جاۋاپ بەرگەنى رەسمي رەليزدە ايتىلمادى. قازاقستاننىڭ سىرتقى ىستەر مينيسترلىگى جانە قازاقستان ەلشىلىگى بۇل كەزدەسۋ تۋرالى ازىرگە اقپارات تاراتقان جوق.

قىرعىزستان سىرتقى ىستەر مينيسترلىگىنىڭ حابارلاۋىنشا، كەزدەسۋدە قازاقستان پرەزيدەنتى قاسىم-جومارت توقاەۆتىڭ قىرعىزستانعا رەسمي ساپارىن ۇيىمداستىرۋ، بىشكەكتە قىرعىز-قازاق ۇكىمەتارالىق كەڭەس وتىرىسىن وتكىزۋ ماسەلەلى ءسوز بولدى.

ۋكرايناعا قاتىستى جاعداي كوتەرىلگەن ۋاقىتتا، تاراپتار جانجالدى ساياسي-ديپلوماتيالىق جولمەن شەشۋ كەرەك دەگەن ورتاق پىكىر ايتتى.

Abai.kz