ولەگ گازمانوۆتى قازاق جاۋاپقا تارتا الا ما؟ بيىل 20 ناۋرىزدا پۋتيندىك رەسەي قىرىمدى ۋكراينادان تارتىپ العاندىعىنىڭ 8 جىلدىعىن ماسكەۋدە دۇركىرەپ اتاپ ءوتتى. وسى تويدا ولەگ گازمانوۆ ءانىن دە، ءسوزىن دە ءوزى جازعان «ەتو مويا سترانا» ءانىن شىرقاپ، ونىڭ ماتىنىندەگى قازاققا ارنالعان سويقانى زيالى قاۋىم مەن بيلىكتى بەي جاي قالدىرعانى كوڭىلدى كۇپتى ەتەدى.

پۋتينگە ارناپ شىرقالعان اندە:

«ۋكراينا ي كرىم، بەلارۋس ي مولدوۆا -
ەتو مويا سترانا.
ساحالين ي كامچاتكا، ۋرالسكيە گورى -
ەتو مويا سترانا.
كراسنويارسكي كراي، سيبير ي پوۆولجە،
كازاحستان ي كاۆكاز، ي پريبالتيكا توجە ..»، - دەگەن جولدار بار.

بۇعان قارسى تەك: «كازاحستان ناش» دەيدى مە؟»، - دەپ ءوز  4 شاقىرىلعان پارلامەنت ءماجىلىسىنىڭ دەپۋتاتى مۇرات ابەنوۆتىڭ عانا ءۇن كوتەرگەنى ساياسي ەنجارلىعىمىزدى تانىتادى.

بۇل ءان تەگىن شىرقالىپ وتىرعان جوق. رەسەي يمپەرياسىنىڭ ومىرلىك مۇددەسى بولىپ تابىلاتىن ورتالىق ازياداعى جالعىز مەملەكەت – تەك قانا ءبىزبىز. ءارى قىرعىزبەن، وزبەكپەن، تۇركىمەن جانە تاجىكپەن بۇرىنعى وتارشىلار تەك ءبىز ارقىلى قارىم-قاتىناس جاساي الادى. سوندىقتان قاشاندا باستى اقپاراتتىق ءام پسيحولوگيالىق سوققى ەڭ الدىمەن قازاققا عانا جاسالادى.

وسى سوققى قازىر «Z» جانە «V» ارىپتەرى ارقىلى، سونداي-اق، فەيك شابۋىلدار ارقىلى ءوز ىشىمىزدە جانە سىرتتان جاسالىپ جاتىر.

ولەگ گازمانوۆ ءانىنىڭ باستى مازمۇنى – جاڭا كسرو قۇرۋ ەكەندىگى مىنا جولداردان تانىلادى:

«داجە ەۆروپا وبەدينيلاس ۆ سويۋز،
ۆمەستە ناشي پرەدكي سراجاليس ۆ بويۋ.
ۆمەستە ۆىيگرانا ۆتورايا ميروۆايا ۆوينا،
ۆمەستە مى سامايا بولشايا سترانا.
دۋشات گرانيتسى، بەز ۆيزى نەلزيا،
كاك ۆام بەز ناس، وتزوۆيتەس، درۋزيا !

يا روجدەن ۆ سوۆەتسكوم سويۋزە،
سدەلان يا ۆ سسسر
يا روجدەن ۆ سوۆەتسكوم سويۋزە،
سدەلان يا ۆ سسسر».

وسىنداي اشىق شابۋىلعا باتىل توسقاۋىل قوياتىن كەز كەلدى. بۇل ساياسي پارتيالار مەن بيلىكتىڭ قازاق مۇددەسى ءۇشىن جۇمىس ىستەۋگە تيىستىگىن تانىتادى. گازمانوۆقا قاتىستى قاتاڭ شارانى ەل بولىپ قولعا الماساق، ەكىنشى ۋكراينانىڭ كۇيىن كەشەمىز. سول ءۇشىن ساياسي بەلسەندى توپ رەسەي ەلشىلىگى الدىندا ءان اۆتورىنان «ۇلتتىق ار-نامىسىمىزدى تاپتايدى» دەپ جەلەۋلەتىپ، «كازاحستان ي كاۆكاز، ي پريبالتيكا توجە» دەگەن تارماقتان «قازاقستان» ءسوزىن الىپ تاستاۋدى تالاپ ەتۋگە ءتيىسپىز.

ءابىل-سەرىك الىاكبار

Abai.kz