سىبايلاس جەمقورلىققا قارسى اگەنتتىك قىزمەتكەرلەرى شيەلى اۋداندىق ءبىلىم ءبولىمى باعاسى 14 ميلليون تەڭگەدەن اساتىن ءبىر ليتر تابيعي ءسۇت ساتىپ الۋدى جوسپارلاعانىن انىقتادى. قايتا تەكسەرىلگەننەن كەيىن ءسۇت باعاسى 223 تەڭگەگە دەيىن تومەندەتىلگەن. سىبايلاس جەمقورلىققا قارسى اگەنتتىك قىزمەتكەرلەرى باعا مونيتورينگى كەزىندە باعانى قولدان كوتەرۋگە بايلانىستى جانە باسقا دا وسىنداي دەرەكتەردى انىقتاعان. بۇل تۋرالى Tengrinews.kz-كە سىلتەمە جاساپ Abai.kz حابارلايدى.

«قارماقشى اۋدانىنىڭ №275 ورتا مەكتەبى بالالارعا 1 670 143 تەڭگەنىڭ كۇرتەشەسىن ساتىپ الۋدى جوسپارلاعانى انىقتالدى. جالپى 208 ميلليون تەڭگەدەن اسا سوماعا 125 كۇرتەشە ساتىپ الۋ جوسپارلانعان. ۇسىنىسقا سايكەس تاۋار قۇنى 16 701 تەڭگەگە دەيىن تومەندەتىلگەن. جالپى ساتىپ الۋ سوماسى 2 ميلليون تەڭگەدەن استى. 206 680 197 تەڭگە كولەمىندەگى مەملەكەتتىك قاراجات قايتارىلدى»، — دەدى قر سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى عاليا الىمقۇلوۆا.

بۇل ءبىرىنشى جاعداي ەمەس ەكەنى بەلگىلى بولدى. انتيكور وبلىستىڭ 11 مەملەكەتتىك مەكەمەسى ديزەل وتىنىن 280 تەڭگەدەن، ال اي-92 ماركالى بەنزيندى 205 تەڭگەدەن ساتىپ الۋدى جوسپارلاعانىن انىقتادى.

«قر ەنەرگەتيكا ءمينيسترىنىڭ 2015 جىلعى 19 مامىرداعى № 361″باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى» بۇيرىعىنا سايكەس ديزەل وتىنىنىڭ ءليترى 230 تەڭگەدەن، ال اي-92 ماركالى بەنزين باعاسى 182 تەڭگەدەن اسپاۋى ءتيىس. مەملەكەتتىك ساتىپ الۋ لوتتارىن قايتا قاراۋ تۋرالى ۇسىنىستاردىڭ قورىتىندىسى بويىنشا 38 243 349 تەڭگە سوماسىندا بيۋدجەت قاراجاتى ۇنەمدەلدى»، — دەپ اتاپ ءوتتى سىبايلاس جەمقورلىققا قارسى قىزمەت وكىلى.

2022 جىلعى ەكى ايدىڭ قورىتىندىسى بويىنشا 17 مەكەمەگە جىبەرىلگەن ۇسىنىستار ناتيجەسىندە جالپى سوماسى 351 230 304 تەڭگە بيۋدجەت قاراجاتى ۇنەمدەلگەن.

Abai.kz