جىل سايىن الەم ەلدەرى اراسىندا ءتۇرلى رەيتينگتەر جاسالادى. ونىڭ ىشىندە قاۋىپسىزدىك دەڭگەيى، ازىق-تۇلىك تاپشىلىعى مەن اۋىز سۋ ساپاسى، باقىت يندەكسى، ءبىلىم جانە دەنساۋلىق ساقتاۋ سالاسىنداعى ساپا مەن دەڭگەي جانە ت.ب.

بۇۇ الەم بويىنشا باقىتتى ەلدەرگە قاتىستى باياندامانى ازىرلەپ، جاريالادى. World Happiness Report-2022 رەيتينگى بويىنشا ورتالىق ازيا ەلدەرىنە قاتىستى دا زەرتتەۋ جۇرگىزىلگەن.

رەيتينگكە ساي تاجىكستان بيىل ورتالىق ازياداعى ەڭ باقىتسىز ەل اتاندى. ول 146 ەلدىڭ ىشىندە 83 ورىندى يەمدەنگەن. ءبىر جىل بۇرىن تاجىكستان 78 ورىندا تۇرعان بولاتىن. ءبىر جىل ىشىندە بەس پوزيتسياعا تومەندەپ كەتكەن. ول ون باللدىق ەسەپتەۋ جۇيەسىندە 5,377 بالل العان.

ورتالىق ازيا بويىنشا باقىت يندەكسىندە ەڭ جوعارى ورىندى قازاقستان يەمدەندى. ول رەيتينگ بويىنشا 40 ورىندا تۇر. وزبەكستان 53 ورىن، قىرعىزستان 64 ورىن، تۇركىمەنستان 78 ورىندى الىپتى. ال باقىت رەيتينگىندە ۋكرايناعا سوعىس اشقان باسقىنشى رەسەي 80 ورىنعا جايعاسىپتى.

باقىت رەيتينگىن انىقتاۋدا التى ءتۇرلى ولشەم ەسەپكە الىنادى. ونىڭ ىشىندە حالىققا شاققانداعى ءىجو مولشەرى، الەۋمەتتىك كومەك كورسەتۋ، ءومىر ءسۇرۋ ۇزاقتىعى، حالىقتىڭ شەشىم قابىلداۋداعى ەركىندىگى، جەمقورلىقپەن كۇرەس دەڭگەيى. رەيتينگكە قاراپ جىل سايىن مەملەكەتتىك ساياساتتىڭ باعىتى مەن كوزقاراسىن انىقتاۋعا، ەكونوميكالىق دامۋىن اڭعارۋعا بولادى.

Abai.kz