جالپى, ءبىزدىڭ وبلىس ورتالى­­عىندا, اۋدان ورتالىقتارىندا ەسكەرتكىشتەر جوقتىڭ قاسى. بار دەگەننىڭ وزىندە ەلىمىزدىڭ كوك بايراعى جەلبىرەگەن شارباقتى جانە ەرتىس اۋداندىق اكىمدىك­تە­ءرىنىڭ الدىندا "جارقىن بولا­شاققا جول سىلتەپ" لەنين تۇر.

ەلىمىز بەن جەرىمىزدى قورعاعان با­تىر­لارعا ەسكەرتكىش تۇرعىز­با­ساق تا، بارلىق جەردە وتان سوعى­سىنا قا­تىس­قان جاۋىنگەرلەرگە ارنالعان بەل­گى-تۇعىرلار ورنا­تىل­عان. وبلىس ور­تالىعىندا جالعىز اعاشقا سۇيە­نىپ تۇرعان، سۇلتانماحمۇت توراي­عى­روۆ دەۋگە كەلە قويمايتىن ەسكەرت­كىش بار. كوپ قاباتتى ءۇيدىڭ ءتۇبىن­دەگى بۇل ەسكەرتكىشتى اڭعارا قويۋ دا قيىن.

جالپى, ءبىزدىڭ وبلىس ورتالى­­عىندا, اۋدان ورتالىقتارىندا ەسكەرتكىشتەر جوقتىڭ قاسى. بار دەگەننىڭ وزىندە ەلىمىزدىڭ كوك بايراعى جەلبىرەگەن شارباقتى جانە ەرتىس اۋداندىق اكىمدىك­تە­ءرىنىڭ الدىندا "جارقىن بولا­شاققا جول سىلتەپ" لەنين تۇر.

ەلىمىز بەن جەرىمىزدى قورعاعان با­تىر­لارعا ەسكەرتكىش تۇرعىز­با­ساق تا، بارلىق جەردە وتان سوعى­سىنا قا­تىس­قان جاۋىنگەرلەرگە ارنالعان بەل­گى-تۇعىرلار ورنا­تىل­عان. وبلىس ور­تالىعىندا جالعىز اعاشقا سۇيە­نىپ تۇرعان، سۇلتانماحمۇت توراي­عى­روۆ دەۋگە كەلە قويمايتىن ەسكەرت­كىش بار. كوپ قاباتتى ءۇيدىڭ ءتۇبىن­دەگى بۇل ەسكەرتكىشتى اڭعارا قويۋ دا قيىن.

عۇلاما عالىم قانىش ءسات­با­ەۆ­قا ەسكەرتكىش ورناتامىز دەۋمەن جىلىستاپ جىلدار ءوتىپ ەدى، جا­قىندا ءبيۋستى تۇعىرعا قوندىرىل­دى-اۋ. بىراق ءبيۋستتىڭ ەسكەرتكىش ەمەس ەكەنىن ەسكەرۋىمىز كەرەك. قۋ­عىن-ءسۇر­گىن زوبا­لاڭىن كورگەندەردىڭ ۇرپاق­تا­رى وسىدان ون جىل بۇرىن قوي­ىلعان قارا تاسقا بارىپ وتكەندى ەسكە ءتۇسىرىپ قايتادى. ۋادە ەتىلگەن ەسكەرت­كىشتىڭ بوي كوتەرەر ءتۇرى كورىنبەيدى. وشكەنىمىز جانىپ، وتكەنىمىز قايتا ورالىپ جاتقاندا، بۇگىنگى ۇرپاقتىڭ ءوز اتا-بابالارىن بىلگەنى ءجون ەمەس پە؟ جانە دە وبلىس ورتالىعىنا بيۋست-مۇسىندەر ەمەس، قازاعىم دەپ ەلىنىڭ، جەرىنىڭ ەر­­كىندىگىن اڭساعان ۇلىلاردىڭ وي­لىلىعىن، باتىرلار­دىڭ ايبىنىن كەسكىندەپ كورسەتەتىن ەسكەرتكىشتەر ورناتقانىمىز ۇتىمدى بولماق.

پاۆلوداردا ايماۋىتوۆ اتىن­داعى مۋزىكالى دراما تەاتر مەن چەحوۆ اتىنداعى ورىس دراما تەات­رى بار. ورىس دراما تەاترى ال­دىن­دا انتون چەحوۆتىڭ ويلى قا­لىپ­تاعى ەسكەرتكىشى جاراسىم تاۋ­ىپ، قارسى الادى. جۇسىپبەك اي­ماۋىتوۆ اتىنداعى تەاتر ۇجىمى، جال­پى، كەرەكۋدەگى قازاق قاۋ­ىمى تەاتردىڭ الدىنا ءجۇسىپ­بەك ايماۋى­توۆتىڭ ەسكەرتكىشىن ورناتقانىمىز ءجون بولار ەدى دەپ ۇسىنىس جاساپ، وب­لىستىق مادە­نيەت دەپارتامەنتىن، اكىمدىكتى قۇلاقتاندىرىپ جۇرگەلى دە ءبىراز بولدى. كۇنى كەشە بۇل قۋانىش سۋ سەپكەندەي باسىلدى.

ايماۋىتوۆقا كەلگەندە وزگە ەمەس، ءوزىمىز بۇلدانىپ، تۇلدانىپ شىعا كەلدىك. ءبىز كۇتپەگەن جاعداي ورىن الدى. تەاتردىڭ ماڭايىن­داعى قۇرىلىس جۇمىستارىن ارا­لاپ جۇرگەن وبلىس اكىمى باقىتجان ساعىنتاەۆقا بۇقارالىق اقپارات قۇرالدارىنىڭ وكىلدەرى جۇسىپبەك ايماۋىتوۆقا ەسكەرتكىش ورناتۋ جايلى سۇراپ قالىپ ەدى: "بىزدە ءبىر قالىپتاسقان ادەت بار، تەات­ر­دىڭ اتى قالاي اتالسا، سول ادام­نىڭ ەسكەرتكىشىن قويۋ كەرەك دەگەن. ال ەرتەڭ تەاتر باسقا ادامنىڭ اتى­مەن اتالسا، سوندا تاعى دا باس­قا ەسكەرتكىش ورناتامىز با؟..", دە­گەن ماعىنادا ءبىرتۇرلى جاۋاپ ەستىدى.

ەلىمىز تاۋەلسىزدىگىن العالى 20 جىلعا جاقىنداپ قالدى. ءبىز بول­ساق، قازاق حالقىنىڭ ءبىرتۋار ارىستارىنىڭ ءبىرى ءجۇ­سىپبەك اي­ماۋىتوۆتىڭ كىم ەكە­نىن ءالى تۇسىنە، تۇيسىنە الماي جۇرگەندەيمىز...

فاريدا بىقاي، پاۆلودار

«ەگەمەن قازاقستان» گازەتى، 18.07.2009