1952 جىلى، 27-ناۋرىز قازاقستاننىڭ ەكس-پرەمەر-ءمينيسترى، وپپوزيتسيونەر، قازاقستان رەسپۋبليكاسىنىڭ جوعارعى كەڭەسىنىڭ 12 شاقىرىلىمىنىڭ دەپۋتاتى اكەجان قاجىگەلديننىڭ دۇنيە ەسىگىن اشقان كۇنى.

ن. ك. كرۋپسكايا اتىنداعى سەمەي پەداگوگيكالىق ينستيتۋتىن بىتىرگەن. ەكى جىل كەڭەس ارمياسىندا، سەمەي وبلىسى بويىنشا مقك باسقارماسىندا قىزمەت ەتتى (1974-1978). 1989 جىلى الماتى حالىق شارۋاشىلىعى ينستيتۋتىن «ەكونوميست» ماماندىعى بويىنشا بىتىرگەن. 1987-1989 جىلدارى كسرو مەملەكەتتىك قاۋىپسىزدىك كوميتەتى ف. ە. دزەرجينسكي اتىنداعى جوعارى مەكتەبىنىڭ باسشىلىق قۇرامىن دايىنداۋ كۋرستارىنىڭ تىڭداۋشىسى بولدى. ەڭبەك جولىن بەتونشى قىزمەتىنەن باستاعان. ورتا مەكتەپتىڭ مۇعالىمى جانە مەڭگەرۋشىسى بولدى.

1979-1984 — سەمەي قالاسىنىڭ كالينين اۋداندىق پارتيا كوميتەتىنىڭ نۇسقاۋشىسى، مەڭگەرۋشىسىنىڭ ورىنباسارى، ءبولىم مەڭگەرۋشىسى;
1985-1987 — سەمەي قالاسىنىڭ كيروۆ اۋداندىق اتقارۋ كوميتەتىنىڭ توراعاسى.
1987-1989 — ماسكەۋ قالاسىنداعى «سوزيداتەل» كووپەراتيۆىنىڭ وكىلى.
1989-1992 — قۇرىلىس-دەكوراتيۆتىك قاپتاۋ تاسىن ونەركاسىپتىك وڭدەۋ جونىندەگى سەمەي كومبيناتىنىڭ ديرەكتورى.
1990 — «تومان» اق باس ديرەكتورى.
1990-1992 — «سەمەي» قوت باس ديرەكتورى.
1991-1993 — سەمەي وبلىستىق اتقارۋ كوميتەتى توراعاسىنىڭ ورىنباسارى، وبلىستىق اكىمشىلىك باسشىسى.
1993 جەلتوقساننان 1994 قازانعا دەيىن — قر پرەمەر-ءمينيسترىنىڭ ءبىرىنشى ورىنباسارى.
1994 قازانىنان 1997 قازانىنا دەيىن — قر پرەمەر-ءمينيسترى
1998 ناۋرىز-قازان ارالىعىندا — قر پرەزيدەنتىنىڭ شتاتتان تىس كەڭەسشىسى.
سونداي-اق، قر پرەزيدەنتى جانىنداعى كاسىپكەرلەر كەڭەسىنىڭ توراعاسى جانە قازاقستاننىڭ ونەركاسىپشىلەرى مەن كاسىپكەرلەرى وداعىنىڭ پرەزيدەنتى لاۋازىمدارىن اتقارعان.

1998 جىلى قر پرەزيدەنتتىگىنە كانديدات بولدى. قازاقستاننىڭ رەسپۋبليكالىق حالىق پارتياسىنىڭ توراعاسى، كەيىن بىرىككەن دەموكراتيالىق پارتيانىڭ ساياسي كەڭەسىنىڭ مۇشەسى بولدى.

1999 جىلى قازاقستاننان كوشىپ كەتتى.

Abai.kz