قازاقستان ءۇشىن ءبارى ءساتتى اياقتالدى ءھام "دەناتسيفيكاتسيانىڭ" مەملەكەتتىك ريسككە دەگەن اسەرى جايىندا ايتساق.

MONTE URQUIOLA تانكەرى بۇكىل قازاقتىڭ ءۇمىتىن ارقالاپ وتىر. ءدال قازىر پورتۋگال تانكەرى كاسپي قۇبىر كونسورتسيۋمىنىڭ نوۆوروسسيسك پورتىنان قازاق مۇنايىن تيەي باستادى جانە ءبىر دەمىن تارتقان مەملەكەت ءۇشىن بۇل ۇلكەن قۋانىش.

بىراق رەسەيدەگى دۋمادا وتىرعان ءتۇرلى دەپۋتاتتاردىڭ "دەناتسيفيكاتسيا" ناۋقانىنا ءبىزدى دە قوسا باستاۋى ەلدىڭ ينۆەستيتسيالىق كارتيناسىنا ۇزاق مەرزىمدە جاعىمسىز اسەرىن بەرەتىن بولادى. رەيتينگ اگەنتتىكتەرى ەلدىڭ سۋۆەرەندى رەيتينگىن باعالاعاندا "سترانوۆوي ريسكتى" دە (بولاشاقتا ول ەلدە سوعىس ءورتى تۇتانۋ قاۋپى) نازاردا ۇستاپ وتىرادى. وسى جاعىنان العاندا، بىزگە قاتىستى ونداي اڭگىمەنىڭ مۇلدە بولماعانى ابزال.

نوۆوروسسيسكتەن كەلگەن جاڭالىققا قاراعاندا بيۋدجەت، بىراق ەڭ باستىسى ۇلتتىق قوردىڭ ءوز الەۋەتىن ساقتاپ قالاتىنىنا جاقسى سەنىممەن قارايمىز. جالپى، ءبىزدىڭ ەلدىڭ ەكونوميكالىق ساياساتتى بارىنشا ساۋاتتى جۇرگىزىپ جاتقانىنا، قازىر اسپير مەحانيزمدەرى ارقىلى ستراتەگيالىق جوسپارلاۋدىڭ دۇرىس ىزگە تۇسكەنىن ايتا كەتۋ كەرەك. سونىمەن بىرگە، ۇلتتىق بانك اقشا-نەسيە ساياساتىن وتە سۇڭعىلا ىسكە اسىرا ءبىلدى، ءارى سونىڭ ارقاسىندا تەڭگە باعامىن جايلى كوريدورعا قايتارا الدى.

ايبار ولجاەۆ

Abai.kz