رەسەيدە سوڭعى تاۋەلسىز باق «نوۆايا گازەتا» جابىلدى. بۇل تۋرالى رەداكتسيا تەلەگرام ارناسىندا جازدى.

«روسكومنادزوردان (باقىلاۋشى ورگاننان) تاعى ءبىر ەسكەرتۋ الدىق. سوندىقتان «نوۆايا گازەتا» باسىلىمىنىڭ گازەت نۇسقاسى مەن سايتىن جابۋعا تۋرالى كەلەدى. ۋكراينا اۋماعىنداعى «ارنايى وپەراتسيا» اياقتالعاننان كەيىن اشىلۋىمىز مۇمكىن. قۇرمەتپەن «نوۆايا گازەتا» ۇجىمى»، - دەدى رەداكتسيا.

رەسەي ۋكرايناعا باسىپ كىرگەننەن كەيىن رەسەي باق تۋرالى زاڭعا وزگەرىس ەنگىزدى. زاڭعا سايكەس، جۋرناليستەر "ارنايى وپەراتسيا" تۋرالى جالعان اقپارات تاراتسا، 15 جىلعا دەيىن باس بوستاندىعىنان ايىرىلادى. ياعني، رەسەي بيلىگىنىڭ رەسمي مالىمدەمەلەرىنە قايشى كەلەتىن كەز-كەلگەن اقپارات جالعان بولىپ سانالۋى مۇمكىن. سوعىس باستالعالى رەسەي پروپوگانداسىنا قوسىلمايتىن تاۋەلسىز باسىلىمدار «دوجد» تەلەارناسى، مەديازونا، ەحو موسكۆى، وتكرىتايا مەديا، مەدۋزا بىرىنەن سوڭ ءبىرى جابىلدى. ازاتتىق راديوسى، ۆۆس، Deutche Welle ينتەرنەت باسىلىمدارى رەسەي اۋماعىندا جۇمىس ىستەمەي قالدى. جابىلارعا دەيىن «نوۆايا گازەتا» باسىلىمنىڭ باس رەداكتورى ءارى نوبەل سىيلىعىنىڭ يەگەرى دميتري مۋرادوۆ «جۋرناليستەردىڭ تاعدىرىن قاتەرگە تىككىم كەلمەيدى، كرەملدىڭ ساياساتىن دۇرىس تۇسىندىرمەگەنى ءۇشىن اياق استىنان 15 جىلعا سوتتالىپ كەتۋى مۇمكىن، مەن وسىدان قورقامىن» دەگەن بولاتىن.

Abai.kz