قر سىرتقى ىستەر مينيسترلىگى شەتەلدىك ينۆەستورلاردى «تەمىر شىمىلدىقتى» ىسىرىپ تاستاپ، ەلىمىزدە كاسىپتەرىن جۇرگىزۋگە شاقىردى.

Die Welt باسىلىمىنا بەرگەن سۇحباتىندا قر سىرتقى ىستەر ءمينيسترىنىڭ ورىنباسارى رومان ۆاسيلەنكو قازاقستان تەك رەسەيگە قاراپ وتىرا المايتىنىن ايتادى.

«ەگەر تاعى ءبىر «تەمىر شىمىلدىق» پايدا بولسا، ءبىز شىمىلدىق ارتىندا قالعىمىز كەلمەيدى»،- دەدى ول.

تەمىر شىمىلدىق ۇعىمى – قىرعي-قاباق سوعىس كەزىندە كوممۋنيستىك شىعىس پەن دەموكراتيالىق باتىس ەۋروپانىنىڭ ساياسي ءبولىنىسىن بىلدىرەتىن تەرمين رەتىندە قولدانىلدى.

ۆاسيلەنكو باتىس ينۆەستورلارىن قازاقستاندا كاسىپ جۇرگىزۋگە شاقىردى. ول: «كومپانيالار «رەسەيگە قارسى سانكتسيالاردى اينالىپ ءوتۋ ءۇشىن عانا» قازاقستانعا ينۆەستيتسيا قۇيماۋ كەرەك. ەلىمىزگە ءوندىرىسىن اكەلگىسى كەلەتىن بارلىق بەدەلدى كومپانيالارعا ەسىگىمىز اشىق»، - دەدى ول رەسەيلىك نارىقتان كەتكەن كومپانيالاردى مەڭزەپ.

Abai.kz