اقش ەسەبىنشە، ۋكرايناداعى سوعىستا رەسەي 10 مىڭنان اسا اسكەريىنەن ايىرىلعان. بۇل تۋرالى ناستوياششەە ۆرەميا ەفيرىندە اقش باس حاتشىسىنىڭ ورىنباسارى ۆيكتوريا نۋلاند مالىمدەدى.

بۇل ستاتيستيكا – رەسەي قورعانىس مينيسترلىگىنىڭ ەسەبىنەن بىرنەشە ەسە كوپ. 25 ناۋرىزدا رەسەي قورعانىس مينيسترلىگى 1351 اسكەريى قازا بولعانىن ايتقان.

تەلەارنا جۇرگىزۋشىسىنىڭ "رەسەي مەن ۋكراينا جاقىن ارادا كەلىسىمگە كەلۋى مۇمكىن بە؟" دەگەن ساۋالىنا نۋلاند "ۋكراينا مەن ونىڭ وداقتاستارى وسىعان قول جەتكىزۋگە تىرىسىپ جاتىر", بىراق "رەسەي ۋكراينا اسكەرىنىڭ قانشالىقتى مىقتى ەكەنىن ءالى تۇسىنگەن جوق" دەدى.

سوعىس باستالعالى رەسەيدىڭ اسكەري شىعىنى جايلى ءتۇرلى دەرەكتەر شىقتى. ۋكراينا قارۋلى كۇشتەرى رەسەي 17 مىڭنان اسا اسكەريىن جوعالتتى (جارالانعاندار مەن قازا تاپقاندار) دەپ مالىمدەدى. 24 ناۋرىزدا Time باسىلىمى ناتو-عا سىلتەمە جاساپ، رەسەي سوعىستا 7 مىڭنان 15 مىڭعا دەيىن ادامىنان ايىرىلدى دەپ جازدى.

Abai.kz