ۇكىمەت ۇلتتىق قوردان تاعى 600 ملرد الدى دەگەندى وقىدىم. ەندى ۇلتتىق قور دەگەننىڭ نە ەكەنىن ايتا كەتەيىن.

ەلىمىزدەگى بارلىق قازبا بايلىقتاردان تۇسەتىن قاراجات (كوبى مۇنايدان) ۇلتتىق قورىمىزعا جينالادى، سەبەبى بولاشاقتا مۇناي بىتكەندە وسى قور قاجەت بولادى. ياعني، ۇلتتىق قور دەگەنىمىز ۇرپاقتارىمىز ءۇشىن جينالىپ جاتىرعان قاراجات.

دۇرىسىندا قازىر ءبىز ۇلتتىق قوردان ءبىر تيىن دا الماي، كەرىسىنشە ونى كوبەيتۋىمىز كەرەك. مىسالى مۇنايدىڭ اقشاسىن ءبولىپ الايىق دەۋ راقاتىن ءوزىمىز كورەيىك، بىزدەن كەيىن كۇل بولماسا ءبۇل بولسىن دەگەن ءسوز.
ۇكىمەت نەگە ۇلتتىق قوردان جىل سايىن اقشا الادى؟ سەبەبى سالىقتان تۇسەتىن تابىس مەملەكەتتىڭ مىندەتتەمەلەرىن ورىنداۋعا جەتپەيدى، ياعني بيۋدجەتنيكتەرگە جالاقى بەرۋگە، زەينەتاقى تولەۋگە، مەكتەپتەر، جولدار سالۋعا تاعىسىن تاعى باسقالار.

سالىقتان تۇسەتىن تابىس نەگە جەتپەيدى؟ سەبەبى ءبىزدىڭ بيلىكتە بىلىمىمەن، ەڭبەگىمەن ەمەس، ساكە باكەنىڭ ادامى بولعانى ءۇشىن وتىرعان توپاستار ەلىمىزدىڭ ەكونوميكاسىن دامىتا المايدى، ءتىپتى ونداي ماقساتتارى جوق تا شىعار. ولار بيۋدجەتتىڭ دەفيتسيتىن ەڭ وڭاي جولمەن - ۇلتتىق قوردان اقشا الۋ ارقىلى جاۋىپ وتىر. راقات، باس قاتىرىپ قاجەت ەمەس.

قىسقاسى، ۇرپاعىمىزدىڭ بولاشاعىن جەپ ۇلتتىق قوردان اقشا الا بەرمەي مافيا بولىپ جەگەن اقشالارىڭدى قايتارىڭدار وڭباعاندار!
باستى اۋىرتپاي بارىنشا قاراپايىم تىلمەن جازعاندا وسىلاي.

ارمان راحمەت

Abai.kz