تاجىكستانداعى ازاپتاۋعا قارسى كواليتسيا 2021 جىلى 24 ادام وزىنە جانە تۋىستارىنا قارسى قيناۋ جانە قاتال ۇكىم شىعارىلعانى بويىنشا شاعىمدانعانىن ايتتى. اراسىندا بەس ايەل بار.

قۇقىق قورعاۋشىلاردىڭ پىكىرىنشە، ازاپتاۋدىڭ دەنى تەرگەۋ ءىسى كەزىندە بولعان. قىلمىستى موينىنا الدىرۋ ءۇشىن ۇرىپ-سوعىپ، ەلەكتر توگىمەن قيناعان، وتباسى مۇشەلەرىنە قورقىتۋ ارەكەتى جۇرگىزىلگەن.

ازاپتاۋعا قارسى كواليتسيا تاجىكستان ۇكىمەتىن ارىزدانۋشىلاردىڭ كورسەتۋى بويىنشا قۇقىق قورعاۋ ورگاندارى قىزمەتكەرلەرىنە تەرگەۋ جۇرگىزىپ، كىنالىلەردى جاۋاپقا تارتۋعا شاقىردى. ازاپتالعاندارعا وتەماقى تولەنۋى ءتيىس دەيدى.

"بيلىك تەز ارادا ازاپتاۋعا قارسى كونۆەنتسيانىڭ فاكۋلتاتيۆتىك قاۋلىسىن راتيفيكاتسيالاۋى ءتيىس", - دەپ اتاپ وتكەن.

تاجىكستان زاڭدارىنا سايكەس، تەرگەۋ كەزىندە ازاپتاۋ اۋىر قىلمىس بولىپ ەسەپتەلەدى، بۇل ءۇشىن قۇقىق قورعاۋشىلار 15 جىلعا دەيىن باس بوستاندىعىنان ايىرىلۋى مۇمكىن. تاجىكستاندا ازاپتاۋعا قارسى كواليتسياعا 20-دان استام حالىقارالىق ۇيىمدار كىرەدى.

Abai.kz