قازاقستاننىڭ سىرتقى ىستەر ءمينيسترى مۇحتار تىلەۋبەردى قازاقستاننىڭ ءالى دە بەيتاراپ پىكىردى ۇستاناتىنىن مالىمدەدى.

بۇعان دەيىن تيمۋر سۇلەيمەنوۆ بىلاي دەگەن ەدى: "رەسەي ءبىزدى كوبىرەك ءوز جاعىندا بولعانىمىزدى قالايدى. بىراق قازاقستان ۋكراينانىڭ تەرريتوريالىق تۇتاستىعىن قۇرمەتتەيدى. ءبىز، قىرىم مەن دونباستاعى جاعدايدى مويىنداماعانبىز مويىندامايمىز دا. ويتكەنى ولاردى بۇۇ مويىنداعان جوق. ءبىز تەك بۇۇ دەڭگەيىندەگى شەشىمدەردى عانا قۇرمەتتەيمىز.

راس، قازاقستان ەۆرازيالىق ەكونوميكالىق وداقتىڭ جانە ۇجىمدىق قاۋىپسىزدىك شارتى ۇيىمىنىڭ مۇشەسى. سوندىقتان ءبىز رەسەيمەن ەكونومكالىق، اسكەري وداقتا ءبىر مۇشەمىز. بىراق كەلىسىمشارتتار ناقتى قازىرگى جاعدايعا جۇرمەيدى.

رەسەي «سوعىس» ءسوزىن قولدانۋعا تىيىم سالاتىن زاڭ قابىلدادى. ولار ونى /سوعىستى ايتىپ وتىر/ ارنايى اسكەري وپەراتسيا دەپ اتايدى. بىراق ءبىز قازاقستاندا ونى قالاي بار، سولاي اتايمىز، وكىنىشكە قاراي. بىزدە ءار نارسەنى ءوز اتىمەن اتاۋعا قاتىستى ماسەلە جوق".

ال ەندى بۇگىن ءسىم مۇحتار تىلەۋبەردى:ء"بىز قازىر لۋگانسك حالىق رەسپۋبليكاسىن دا، دونەتسك حالىق رەسپۋبليكاسىن دا مويىندامايمىز. بارلىق سانكتسيالار ەۋروپالىق وداق پەن اقش تاراپىنان رەسەيگە قارسى باعىتتالعان. ءبىز بۇل سانكتسيالارعا قوسىلمايمىز.

بىرىنشىدەن، بۇل سانكتسيالاردىڭ قازاقستان ەكونوميكاسىنىڭ دامۋىنا كەرى اسەرىن تيگىزبەۋى ماڭىزدى. ەكىنشىدەن، ءبىزدىڭ تەرريتوريامىز بۇل سانكتسيالاردى اينالىپ ءوتۋ ءۇشىن پايدالانىلماۋى كەرەك،"— دەدى.

بۇل مالىمدەمەلەر رەسەيدىڭ تيتىعىنا ءتيىپ وتىرعانى انىق.

Abai.kz