قاندى قاڭتاردان كەيىن قوزعالعان ىستەر بويىنشا 152 ادامعا ۇكىم شىقتى، ولاردىڭ 17-ءى جازانى تۇرمەدە وتەيدى. بۇل تۋرالى باس پروكۋراتۋرا وكىلى ەلدوس قىلىمجانوۆ بريفينگتە مالىمدەدى.

جازاسىن تۇرمەدە وتەيتىندەر "قارۋ-جاراق ۇرلاۋ، ساقتاۋ، شىعىندى وتەمەۋ، جازانى تولىق وتەمەۋ سەكىلدى اۋىر قىلمىستار جاساعاندار" ەكەنى ايتىلدى.

قىلىمجانوۆتىڭ مالىمەتىنشە، 35 ادامنىڭ ەركىندىگى شەكتەلدى. باس پروكۋراتۋرا وكىلىنىڭ ايتۋىنشا، 262 قىلمىستىق ءىس تەرگەلىپ جاتىر. سولاردىڭ 44-ءى "تەرروريزم", 47-ءى "جاپپاي تارتىپسىزدىك" ايىپتارىمەن قوزعالعان. 209 قىلمىستىق ءىس سوتقا جىبەرىلدى، سول ىستەر بويىنشا 323 ادام سوت الدىندا جاۋاپ بەردى نەمەسە جاۋاپ بەرەدى. باس پروكۋراتۋرانىڭ حابارلاۋىنشا، 733 ادام قاماۋدا وتىر.

قىلىمجانوۆتىڭ مالىمدەۋىنشە، 5 قاڭتاردا پوليتسيانىڭ ەكى دەپارتامەنتىنىڭ، ۇقك-ءنىڭ ەكى دەپارتامەنتىنىڭ باسشىسى عيماراتتاردى تاستاپ كەتكەن. ولار دا كۇدىكتى دەپ تانىلدى. قىلىمجانوۆ جامبىل وبلىسى پوليتسياسى باسشىسىنىڭ بۇرىنعى ورىنباسارى ۇستالعانىن حابارلادى.

قاندى قاڭتاردان سوڭ مىڭداعان ادام ۇستالدى، جۇزدەگەن ادام ءتۇرلى ايىپتارمەن قاماۋعا الىندى. قاماۋداعىلاردىڭ كوبىسىن ازاپتاعانى ءمالىم بولدى.

Abai.kz