گەرمانيا رەسەيدىڭ بەرليندەگى ەلشىلىگىنىڭ 40 قىزمەتكەرىن پەرسونا نون گراتا دەپ جاريالادى. ولاردىڭ ءبارى گەرمانيا اۋماعىنان كەتۋى ءتيىس.

گەرمانيا سىرتقى ىستەر ءمينيسترى اننالەنا بەربوك "قارا تىزىمدەگى" قىرىق ديپلومات "كۇندە ەركىندىككە قارسى جانە قوعامعا ىرىتكى سالۋ ءۇشىن جۇمىس ىستەدى" دەپ مالىمدەدى.

بەربوك كيەۆتىڭ شەتىندەگى بۋچا قالاسى كوشەلەرىندە تۇسىرىلگەن سۋرەتتەرگە قاراپ، رەسەيلىك باسشىلىق ۋكرايندىقتارعا وتە قاتتى قاتىگەزدىك جاسادى دەدى.

ءسىم باسشىسى ماسكەۋگە قاتىستى سانكتسيالار قاتايا تۇسەتىنىن، ۋكراين ارمياسىن قولداي بەرەتىنىن، ناتو-نىڭ شىعىس باعىتىن نىعايتاتىنىن مالىمدەدى.

رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا 40 ديپلوماتتى گەرمانيادان شىعارۋ شەشىمىن جاۋاپسىز قالدىرمايتىنىن ايتتى. گەرمانيادا 104 رەسەيلىك ديپلومات اككرەديتاتسيا العان.

Abai.kz