قازاقستاندا اقپاراتتىق تەحنولوگيا (IT) ماماندارىنا سۇرانىس ارتۋدا. «HeadHunter» كومپانياسى ساراپشىلارىنىڭ مالىمەتىنشە، بۇل سالاداعى بوس ورىندار سانى 2020 جىلمەن سالىستىرعاندا 2021 جىلى 52 پايىزعا ارتقان.

باعدارلامالاۋ مەن قۇراستىرۋ (54%), ينجەنەريا (23%), جۇيەلىك اكىمشىلىك قىزمەتى (20%), web-شەبەرلەر (17%) جانە ۆەب-ينجەنەريا (15%) سياقتى ماماندىقتار ەڭ كوپ سۇرانىسقا يە بولدى.

2022 جىلدىڭ ناۋرىز ايىنداعى دەرەكتەر بويىنشا، جۇمىس بەرۋشىلەر IT سالاسىنىڭ ماماندارىنا 220 مىڭ تەڭگەدەن باستاپ جالاقى تولەۋگە ءازىر.  قازىر ەڭ جوعارى جالاقىنى باعدارلاماشىلار (400 مىڭ تەڭگەدەن باستاپ), جۇيەلىك اكىمشىلەر (500 مىڭ تەڭگەدەن باستاپ) جانە ءموبيلدى قوسىمشالاردى ازىرلەۋشىلەر (600 مىڭ تەڭگەدەن باستاپ) الادى. جالاقى مولشەرى بىلتىرعىعا قاراعاندا 67 پايىزعا وسكەن ەكەن. IT سالاسىندا كادرلار جەتىسپەگەندىكتەن جۇمىس بەرۋشىلەر جوعارى جالاقىنى وزدەرى تاعايىنداپ وتىر.

«بولاشاقتا IT سالاسىنداعى ەڭ مىقتى قىزمەتكەرلەردى جۇمىسقا الۋ ءۇشىن كومپانيالار جالاقى ءليميتىن كوتەرۋى كەرەك»،- دەيدى ساراپشىلار.

Abai.kz