تۇركىستان وبلىسى قۇرىلىپ، ورتالىعى تۇركىستان قالاسى بولىپ بەكىتىلگەن سوڭ، ءار وبلىس تۇركىستاندا ءتۇرلى عيماراتتار سالعانى ءمالىم. وبلىس ورتالىعىنداعى سونداي بىرنەشە عيمارات جەكەنىڭ قولىنا ساتىلماقشى دەپ دابىل قاعادى تۇركىستان قالاسىنداعى تۋريستەرگە قىزمەت كورسەتۋ ورتالىعىنىڭ ديرەكتورى وتكىر امانگەلدۇلى مالدىبەكوۆ. ول بۇل تۋرالى «اعالىق بولاشاق» دەپ اتالاتىن youtobe كانالدا بلوگەر القوجا بالقوجاەۆقا ايتقان. بۇل تۋرالى اrasha.kzكە سىلتەمە جاساپ، Abai.kz حابارلايدى.

تۇركىستان وبلىستىق پروكۋراتۋراسىنىڭ الدىندا جازىلعان ۆيدەودا القوجا بالقوجاەۆ وتكىر مالدىباەۆتان قانداي عيماراتتار كوممەرتسيالىق ماقساتتا ساتىلماقشى دەپ سۇراپ، ءوز كەزەگىندە مالدىباەۆ بىرنەشە عيمارات ونىڭ ىشىندە جەتىمدەر ۇيىنە تيەسىلى جەر دە بار ەكەنىن ايتادى. ءارى وتكىر مالدىباەۆ تۇركىستان قالاسى تۋريستەرگە قىزمەت كورسەتۋ ورتالىعىن دا جەكەمەنشىككە بەرۋ ارەكەتتەرى بولىپ جاتقانىن ايتىپ، قۇجاتقا قول قويماعاندىقتان وزىنە قاتىستى قىسىم جاسالىپ جاتقانىن مالىمدەيدى.

بلوگەر القوجا بالقوجاەۆ پەن امانگەلدى مالدىباەۆ پروكۋراتۋراعا كىرىپ، تەلەفون ارقىلى جوعارىداعى ءمان-جايدى باياندايدى.

بۇدان بۇرىن تۇركىستان وبلىسىنىڭ اكىمى ومىرزاق شوكەەۆ تۇركيانىڭ ۆيتسە-پرەزيدەنتى فۋات وكتايعا ارنالعان شاپاندى كيىپ الىپ، ۇياتقا قالعانى ەدى. كەيىن وبلىس اكىمىنىڭ ول قىلىعىن وبلىس اكىمىنىڭ ورىنباسارى ساكەن قالقامانوۆ تۇسىندىرۋگە تالپىنعان.

ەندى مىنە، تۇركىستان قالاسىنداعى كەيبىر عيماراتتار جەكەمەنشىككە وتەدى-مىس دەگەن شۋ شىعىپ وتىر.

Abai.kz