قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ جيەن نەمەرەسى ءنۇرالى اليەۆتىڭ كومپانياسىندا تەكسەرىس ءجۇرىپ جاتىر. مەملەكەتكە كەلتىرگەن شىعىنى بولسا، وتەماقى تولەيدى.

بۇل تۋرالى ەكونوميكانى دەمونوپوليزاتسيالاۋ جونىندەگى كوميسسيانىڭ وتىرىسىندا ايتىلدى.

«ءنۇرالي اليەۆتىڭ "ترانستەلەكوم" اق-سى قازىر كاسپي تەڭىزىنىڭ استى ارقىلى تالشىقتى وپتيكالىق جەلى تارتۋمەن اينالىسادى. بىراق ءازىربايجان ەلىمەن كەلىسىمگە كەلە الماي جۇمىستى ۋاقىتىلى بىتىرە الماعان.سوندىقتان كوميسسيا مۇشەلەرى بۇل ماڭىزدى شارۋانى اليەۆتىڭ كومپانياسىنا سەنىپ تاپسىرماۋ كەرەك»، دەلىنگەن قر پرەمەر-ءمينيسترى ءباسپاسوز قىزمەتىنىڭ اقپارىندا

"ترانستەلەكوم" كومپانياسىن ءنۇرالى اليەۆ 2021 جىلى جازدا ساتىپ العان. قازىر "ترانستەلەكوم" اق-نىڭ 75 پايىز اكتسياسى اليەۆتىڭ "Unit Telecom" جشس-نا تيەسىلى. قالعان 24 پايىزى قازاقستان تەمىر جولىنىڭ ۇلەسىندە.

Abai.kz