«2گيس» باعدارلاماسىن كوپشىلىككە تانىستىرىپ جاتۋدىڭ قاجەتى جوق. العاشقىدا جولاۋشى تاسىمالدايتىن جەڭىل كولىكتەرگە جايعاسقاننان-اق، باعدارلى باعىتىڭدى ءار قادام سايىن ساڭقىلداپ ايتىپ وتىرعان داۋىسقا قاراپ، ادامدار تاڭ-تاماشا قالۋشى ەدى. كەيىن كەلە-كەلە وعان ۇيرەندى. جەكە كولىگىنە ورناتىپ، كۇندەلىكتى ومىردە پايدالانۋشىلار سانىندا ەسەپ جوق.

ال سونىڭ قاي تىلدە سويلەپ جاتقانىنا ءمان بەرەمىز بە؟

ءتىل ساياساتى كوميتەتىنىڭ باستاماسى بويىنشا اعىمداعى جىلدىڭ 7 ءساۋىرى كۇنى «2گيس» باعدارلاماسىن قازاق تىلىندە سويلەتۋ ماقساتىندا ناۆيگاتوردى انا تىلىمىزگە اۋدارۋ ءۇشىن كەلىسسوز جۇمىستارى مارەگە جەتتى. وعان ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ بەس بىردەي مامانى قاتىسادى.

«2gis كومپانياسىنا» ولار تۋرالى اقپاراتتار جىبەرىلدى. ەندى اۋدارما جۇمىستارىنا كىرىسەمىز. ەڭ ءبىرىنشى كەزەكتە، قازاق تىلىندەگى سوزدەردىڭ قولدانىسقا وڭاي، ۇعىمعا جەڭىل بولۋىن قاراستىرامىز، - دەيدى ورتالىقتىڭ اقپاراتتىق تەحنولوگيالار باسقارماسىنىڭ باسشىسى ءمولدىر باقىتقىزى.

ەندى جاقىن كۇندەرى استىڭىزداعى كولىگىڭىز انا تىلىمىزدە باعىت-باعدار بەرىپ، دىتتەگەن جەرىڭىزگە جاڭىلماي جەتۋىڭىزگە قولعابىس بەرمەكشى.

ىسكە ءسات، ارىپتەستەر!

Abai.kz