قارجى نارىعىن رەتتەۋ جانە دامىتۋ اگەنتتىگى وكىلدەرى رەسەي مەن بەلارۋستىڭ قانشا ازاماتى قازاقستان بانكتەرىندە شوت اشقانىن ايتتى. 

ۆەدومستۆو الەۋمەتتىك جەلىلەردەگى رەسەي مەن بەلارۋس ازاماتتارىنىڭ قازاقستاندىق بانكتەردە جاپپاي شوت اشىپ جاتقانى تۋرالى حابارلاماعا قاتىستى پىكىر ءبىلدىردى.

"2022 جىلعى 24 اقپاننان بەرى قازاقستان بانكتەرىندە رەسەي مەن بەلارۋس رەزيدەنت-جەكە تۇلعالارى ءۇشىن 11 940 شوت اشىلعان. ونىڭ ىشىندە 10 725 شوتتى ءوتىنىش بەرۋشىنىڭ نەمەسە سەنىم بىلدىرىلگەن ادامنىڭ قازاقستان بانكىندە جەكە بولۋى ارقىلى، 1 215 شوت قاشىقتان اشىلعان. ناتيجەسىندە، وسى مەملەكەتتەردىڭ قازاقستان رەسپۋبليكاسى بانكتەرىندە شوتتارى بار ازاماتتارىنىڭ جالپى سانى 162 مىڭعا جەتتى", - دەلىنگەن حابارلامادا.

ۆەدومستۆو مالىمەتىنشە، رەسەي فەدەراتسياسىنىڭ رەزيدەنت-زاڭدى تۇلعالارىنىڭ جاڭا شوتتارىنىڭ سانى جىل باسىنان بەرى ازداپ وسكەن. بيىل اقپاننىڭ اياعىنان بەرى بانك شوتتارى رەسەيدىڭ 7 كومپانياسىنا اشىلعان، قازاقستان بانكتەرىندە شوتتارى بار رەسەي ۇيىمدارىنىڭ جالپى سانى 805-كە جەتكەن.

Abai.kz