رەسەي-ۋكراينا سوعىسى باستالعان كۇن 24 اقپاننان باستاپ رەسەي مەن بەلارۋس ازاماتتارى قازاقستاندىق بانكتەردە 11 940 شوت اشقان. بۇل تۋرالى اقپاراتتى قارجى نارىعىن رەتتەۋ جانە دامىتۋ اگەنتتىگى بەرگەن.

«24 اقپاننان باستاپ قازاقستاندىق بانكتەردە رەسەي مەن بەلورۋسسيانىڭ رەزيدەنت جەكە تۇلعالارى ءۇشىن 11 940 شوت اشىلدى. ونىڭ ىشىندە 10 725 شوت قازاقستاندىق بانكتە ءوتىنىش بەرۋشىنىڭ نەمەسە سەنىمدى تۇلعانىڭ جەكە قاتىسۋىمەن، 1 215 شوت قاشىقتىقتان اشىلدى. ناتيجەسىندە قازاقستان رەسپۋبليكاسىنىڭ بانكتەرىندە شوتتارى بار اتالعان مەملەكەتتەر ازاماتتارىنىڭ جالپى سانى 162 مىڭعا جەتتى", - دەپ حابارلادى اگەنتتىك.

اگەنتتىكتىڭ حابارلاۋىنشا، رەسەي فەدەراتسياسى ازاماتتارىنىڭ زاڭدى تۇلعا رەتىندە اشقان جاڭا شوتتارىنىڭ ءوسىمى بىرقالىپتى. اقپان ايىنىڭ سوڭىنان باستاپ بانكتىك شوتتار 7 رەسەيلىك كومپانيا قازاقستاننان شوت اشقان. قازىر قازاقستاندىق بانكتەردە شوتتارى بار رەسەيدەن كەلگەن ۇيىمداردىڭ جالپى سانى 805-كە جەتتى.

اگەنتتىك زاڭناماعا سايكەس وتاندىق بانكتەر قازاقستاندا شوت اشقىسى كەلەتىن شەتەلدىكتەرگە كەشەندى تەكسەرۋ جۇرگىزۋى ءتيىس ەكەنىن اتاپ ءوتتى.

«بانكتەر مىندەتتى تەكسەرۋ اياسىندا شەتەلدىك جەكە تۇلعانى، زاڭدى تۇلعانى جانە ونىڭ بەنەفيتسيارلىق مەنشىك يەلەرىن سايكەستەندىرۋ، ونىڭ ىشىندە الىنعان سايكەستەندىرۋ دەرەكتەرىنىڭ دۇرىستىعىن تەكسەرۋ; ىسكەرلىك قاتىناستاردىڭ بولجامدى ماقساتى مەن سيپاتىن بەلگىلەۋ كەرەك ", - دەپ ءتۇسىندىردى ۆەدومستۆودا.

سونىمەن قاتار، بانكتەر شەتەلدىك، ونىڭ ىشىندە ترانسشەكارالىق سيپاتتاعى كليەنتتەردىڭ وپەراتسيالارىنا كۇشەيتىلگەن مونيتورينگ جۇرگىزۋگە مىندەتتى. مونيتورينگ ترانزاكتسيالارعا جول بەرمەۋ ءۇشىن جانە كۇماندى مامىلەلەردى انىقتاۋ ءۇشىن بانكتەر كليەنتتىڭ اقشاسىنىڭ قايدان كەلگەنىن جانە ونىڭ كونتراگەنتىنىڭ زاڭدى مارتەبەسىن، جۇرگىزىلەتىن وپەراتسيانىڭ شارتتارى مەن ەكونوميكالىق ءمانىن ساراپتايدى.

Abai.kz