UzAuto Motors وندىرەتىن GM Chevrolet جەڭىل كولىگى وڭتۇستىك كورەيانىڭ ميكروسۇلباسى مەن جارتىلاي وتكىزگىشىن پايدالانادى. وتكەن ايدا رەسمي سەۋل رەسەيگە قارسى باتىس سانكتسيالارىنا قوسىلعان.

ەگەر UzAuto Motors رەسەيگە كولىك جەتكىزۋدى جالعاستىرا بەرسە، ءاندىجان زاۋىتى بولشەك زاتتارسىز قالۋى مۇمكىن دەپ جازادى Euroasianet.

دەترويتتاعى GM وكىلى Euroasianet سايتىنا UzAuto Motors 9 ناۋرىزدان باستاپ Chevroletماركالى كولىگىن رەسەيگە تاسىمالداۋدى توقتاتتى دەپ جاۋاپ بەردى.

ەكونوميست وتابەك باكيروۆتىڭ پىكىرىنشە، بۇل كولىك باعاسىنىڭ تۇسۋىنە اكەلۋى مۇمكىن.

"رەسەي UzAuto Motors كومپانياسىنىڭ باستى تۇتىنۋشىسى. 2009, 2014-15 جىلدارى الەمدە ەكونوميكالىق داعدارىس بولعان كەزدە، وزبەكستاندىقتار قۋاندى. سەبەبى رەسەيدە ساتىلىم باعاسى ءتۇسىپ، ىشكى نارىقتا باعا ارزانداعان",- دەپ جازدى ەكونوميست ءوزىنىڭ Telegram-كانالىندا.

بىلتىر وزبەكستان رەسەيگە 320 جەڭىل كولىك ەكسپورتتاعان. ال الەمنىڭ 10 ەلىنە 28 952 كولىك ساتىپ، 281,8 ملن دوللار پايدا تۇسىرگەن.

قازاقستان دا وزبەكستان كولىكتەرىن نەگىزگى ساتىپ الۋشى ەلدەردىڭ ءبىرى. بىلتىر 26 970 كولىك ساتىپ العان ەكەن. ۋكراينا بولسا، 448 كولىك ساتىپ العان.

Abai.kz