الەۋمەتتىك جەلىنى شەكتەيمىز دەگەن ساياساتكەرلەر ءبىرىنشى كەزەكتە رەسەيدىڭ ساياسي مۇددەسىن قورعاۋدا.

قاساقانا جاساي ما، الدە بىلمەستىك پە، بىراق نەگىزگى ۇتاتىن جاق كورشىلەرىمىز.
ولاي دەپ ايتۋعا قانداي نەگىز بار:

جەلىنى شەكتەسە، تەلەديدار اسەرى كۇشەيەدى. ءبىزدىڭ جەرگىلىكتى ارنالار كورشىلەرگە قاراعاندا اۋديتورياسى از، جانە كورەرمەن قىزىعۋشىلىعى تومەندەۋ.

سول سەبەپتەن امال جوق رەسەي حابارلارىن كورۋگە ءماجبۇر بولادى.
فەيسبۋك، يۋتۋب ، تۆيتتەر قازاقستانعا كەلىپ تىركەلۋگە اسىقپايدى. ولار تەك ءىرى مەملەكەتتەرگە بارادى. بارلىق 180-200 مەملەكەتتەردە وفيس اسشۋعا مۇمكىن ەمەس. ال رەسەيدىڭ ۆكونتاكتە، مەيلرۋ ، ودنوكلاسسنيكي ، ياندەكستەرى كەلۋگە دايىن. سونىمەن قوسا ۋجە كازىر ينستاگرامداعى سۋرەت جازبالاردى ءوز رەسسەيلىك ارنالارىنا كوشىرىپ بەرەتىن سەرۆيس جاساعان. جاقىن ارادا ءبىرىنشى بولىپ وفيستارىن اشادى دەگەن بوجام بار.

جەلى شەكتەلسە قازاق تىلىندەگى ساۋاتتى جاڭاشا كونتەنت ازايادى. سەبەبى الەۋمەتتىك جەلى ارقىلى تالاي جاڭاشا ويى بار اۆتورلار شىعا باستادى. اسىرەسە تاۋەلسىز اشىق كوزقاراسىن ايتا بىلەتىن، قوعامعا تىكەلەي اسەر ەتەتىن.

بۇعان ۋقساس Zاڭ الدىمەن رەسەيدە قابىلداندى. ولاردا ماقساتى سول تاۋەلسىز ەركىن اقپاراتقا، ويعا، پىكىرگە جول بەرمەۋ. سول Zاڭ ارقىلى رەسەيدە فەيسبۋك ينستاگرام بۇعاتتالدى. تەكس وزدەرىنىڭ جەلىلەرى نەمەسە تەلەديدارى. اقپاراتتىق الاڭ ەركىن ويدان ازات پىكىردەن تاZaرتىلدى.

قازاقستاندا الەۋمەتتىك جەلىنى بۇعاتتاۋعا نەگە مۇددەلى كورشىلەرىمىز؟ ونى ۋكرايناداعى سوعىس بايقاتتى. جەلىنى كوپ پايدالاناتىن قازاقستان اۋديتورياسى ۋكراين حالقىن كوپ قولدايدى. تەلەديدار كورەتىندەر كوبىسى رەسسەي جاعىندا. بۇل اقپاراتتىق سوعىستىڭ جالعاسى

كورشىلەرىمىزدىڭ "اعالىق قىسىمىمەن" قابىلداۋعا ۇسىنعان شەشىمدەر ەكەنىن ءبىر دالەلى - ءبىزدىڭ ءماجىلىس دەپۋتتارتارى ۇسىنعان Zاڭ جوباسى دۋمانىڭ قابالداعان Zاڭ كوشىمەسى سياقتى. پايدالانۆاتىن قۇقىقتىق قۇرالدارى، تەرمىندەرى بىردەي.

ۋكرايناداعى سوعىس الەۋمەتتىك جەلىنىڭ اقپاراتتىق قاقتىعىستا مىقتىلىعىن بايقاتتى. بىجاقتى ۇستانىمىن تىقپالايتىن پروپاگاندالىق تەلەارنالار الەۋمەتتىك جەلىگە قارسى تۇرا المايدى. سول سەبەپتەن ەسكىشە ويلايتىن ساياساتكەرلەردىڭ شەشىمى - قارسىلاسىن بۇعاتتاۋ. سوعىستىڭ ءبىرىنشى قۇربانى شىندىق دەپ بوسقا ايتپاعان.

ءبىزدىڭ بيلىك ۇلكەن قاۋىپتىڭ الدىندا تۇر. ەگەر ءبىزدىڭ الەۋمەتتىك جەلىنى رەسسەيدىڭ يدەولوگياسىنا جىعىپ بەرسە ، وعان توتەپ بەرەتىن تاۋەلسىز ءوز اقپاراتتىق ارنالارى دامىماعان. سوندا ءبىزدىڭ ازاماتتار كوبىسى كورشىنىڭ ساياساتىنا ، گەوساياسي ۇستانىمىنا سەنەتىن قولدايتىن بولادى. سىرتتان باسقارۋعا وڭاي بولادى، ەش اسكەر كىرگىزبەي اق.

كازىر سەناتتا الەۋمەتتىك جەلىنى بۇعاتتاۋعا جول بەرەتىن Zاڭ جوباسى قارالۋدا.
تاعى دا سەنات دەپۋتتاتارىنا ايتارىم قازاق ەلىنىڭ تاۋەلسىزدىگىنە نۇقسان كەلتىرۋگە جول بەرمەڭىزدەر. زاڭدى توقتاتۋ كەرەك. پرەزيدەنت توقاەۆ ساياسي رەفورمالار جايلى جاقسى باستامالار ءجاريالادى. ونى كوپشىلىك قوعام قولدادى.

مەنىڭ ويىمشا بۇل باستامالار "ەسكى كازاحستانگا" قايتارعىسى كەلەدى، پرەزيدەنت توقاەۆتىڭ جاڭا باستامالارىنا قارسى ساياسي توپتاردىڭ ارەكەتى.
ءبىر قولمەن ساياسي باسەكەلەستىك باستاپ ەكىنشى قولمەن اقپاراتتىق اشىقتىقتى شەكتەۋ ءبىر ءبىرىنى قارسى ۇستانىمدار.

مەملەكەت باسشىسى باستاعان "جاڭا قازاقستان" يدەولوگياسىنا مۇلدەم سايكەس كەلمەيتىڭ ەسكى كوزقاراستاعى Zاڭ جوباسى.

كەرىسىنشە پرەزيدەنت توقاەۆتىڭ حالىققا ۇسىنعان "جاڭا قازاقستان" يدەولوگياسىن ىسكە اسىرۋ ءۇشىن بىزگە الەۋمەتتتىك جەلىنە كەڭ پايدالانۋ كەرەك. جاستاردىڭ 87% تەلەديدار مۇلدەم كورمەيدى. قايتاددان ولاردى ماجبۇرلەپ كوگىلدىر ەكراننىن الدىنا وتىرعىزا المايمىز. سول سەبەپتەن مەملەكەت تاراپىنان الەۋمەتىك جەلىگە ارناپ جاڭا كونتەنت شعارۋ كەرەك. باسكەلەستىككە توتەپ بەرە الاتىن ۇلتتىق مۇددەنى العا قاياتىن ساۋاتتى دۇنيەلەر جاساۋعا مەملەكەتتىك مۇمكىندىكتى باعىتتاۋ كەرەك.

مۇرات ابەنوۆ

Abai.kz