الماتى وبلىسىنىڭ اۋدان اكىمدەرى قانشا جالاقى الاتىنى بەلگىلى بولدى. بۇل تۋرالى Tengrinews.kz ارنايى ساۋالمانا جاساعان. 

الماتى وبلىسىندا ەڭ جوعارى جالاقىنى تالدىقورعان قالاسىنىڭ جاڭا اكىمى اسەت ماساباەۆ الادى. ونىڭ جالاقىسى - 866 مىڭ تەڭگە. پانفيلوۆ اۋدانىنىڭ جاڭا اكىمى مارات ساعىمبەك ايىنا 778 مىڭ تەڭگە الادى. اقسۋ اۋدانىنىڭ اكىمى ەسىم بازارحانوۆ تا وسىنداي جالاقى الادى. كەگەن اۋدانىنىڭ اكىمى تالعات بايەدىلوۆ تە وسىعان جاقىن، اي سايىن 775 مىڭ تەڭگە الادى. ەڭ از جالاقىنى ەڭبەكشىقازاق اۋدانىنىڭ جاڭادان كەلگەن اكىمى الادى. ونىڭ ايلىق جالاقىسى - 703 مىڭ تەڭگە. ال اۋدان اكىمدەرى اراسىنداعى ەڭ جوعارى جالاقى تالدىقورعان قالاسىنىڭ بۇرىنعى اكىمى، قازىرگى ىلە اۋدانىنىڭ اكىمى باعدات قاراساەۆتا. ول اي سايىن 785 مىڭ تەڭگە الادى ەكەن. كوكسۋ اۋدانى اكىمى قانشا جالاقى الاتىنى بەلگىسىز. ساۋالعا رەسمي جاۋاپتا الماس ءادىلدىڭ تولىق جالاقىسى عانا كورسەتىلگەن. ول ايىنا - 952 مىڭ تەڭگە. بىراق بۇل سومادان زەينەتاقى مەن مەديتسينالىق اۋدارىمدار ۇستالادى. ناتيجەسىندە، وزگە ارىپتەستەرىنىڭ دەڭگەيىندە جالاقى الادى. قالعان اۋداندار بەلگىسىز.

Abai.kz