حالىق مۇنداي جاڭالىقتان حابارسىز بولعاندىقتان قوعامدىق تىڭداۋ ۇيىمداستىرۋ كەرەك دەپ شەشتىك، دەيدى ۇيىمداستىرۋشىلار. ەكوبەلسەندىلەر جوبانى دۇرىس ويلاستىرىلماعان، قاۋىپتى جانە شىعىنى كوپ دەپ اتادى. ولار قازاقستاندا ەكولوگيا ماسەلەسى نازارعا ىلىنبەي وتىر دەپ ەسەپتەيدى.

— ورتەۋ — وتە قاۋىپتى پروتسەسس، قالدىقتاردى باسقارۋ جۇيەسى ولاردى پوليگونداردا ورتەۋدەن قۇرىلماۋى ءتيىس، ونىڭ ورنىنا قوقىستى سۇرىپتاۋ ءادىسى جەتىلدىرىلسىن، — دەيدى ەكوبەلسەندى يۋليا دۋشكينا.

تىڭداۋ ۇيىمداستىرۋىشلار قالدىقتاردىڭ 80 پايىزىن سۇرىپتاۋعا بولاتىنىن الەم تاجىريبەسى كورسەتتى دەپ ەسەپتەيدى. ەكوبەلسەندىلەردىڭ ايتۋىنشا، قوقىستى ورتەگەن كەزدە ونىڭ 40 پايىزى ۋلى كۇلگە اينالادى، ولاردى كومۋگە جاڭا پوليگوندار قاجەت بولادى.

بۇعان قوسا، بەلسەندىلەر قوقىس ورتەۋ زاۋىتتارىنىڭ قۇرىلىسى جوباسىندا "جەمقورلىق ەلەمەنتتەرى" بار دەپ وتىر. ەكولوگيالىق قۇقىق ماسەلەلەرى جونىندەگى حالىقارالىق ساراپشى ۆاديم ءنيدىڭ ايتۋىنشا، مۇنداي زاۋىتتاردى قوعامدىق تىڭداۋسىز سالۋعا بولمايدى. سول سەبەپتى ولار ءتيىمسىز جوبانى تەكسەرۋىن سۇراپ، باس پروكۋراتۋراعا ۇندەي جولداۋدى كوزدەپ وتىر.

2022 جىلى قوقىس ورتەيتىن زاۋىتتار قۇرىلىسى باستالاتىنىن بۇعان دەيىن ەكولوگيا ءمينيسترى سەرىكقالي برەكەشەۆ مالىمدەگەن. 2021 جىلعى جازدا العاشقى اۋكتسيون ساۋداسى وتكەن. ونى "Waste2Energy" كومپانياسى جەڭگەن. باستاپقىدا قوقىس ورتەيتىن زاۋىتتار قۇرىلىسىنا بولىنەتىن ينۆەستيتسيا 180 ميلليارد تەڭگە دەپ بەلگىلەنگەن، بىراق كەيىن ونىڭ قۇنى 293 ميللياردقا دەيىن كوتەرىلگەن. التى زاۋىت 2025 جىلدىڭ اياعىنا دەيىن سالىنۋى ءتيىس.

Abai.kz