رۋسلان جەلدىباي پرەزيدەنتتىڭ ءباسپاسوز حاتشىسى قىزمەتىنە تاعايىندالدى. بۇل تۋرالى اقوردا سايتى مالىمدەدى. 

"مەملەكەت باسشىسىنىڭ وكىمى بويىنشا، رۋسلان سۇلتانۇلى جەلدىباي قازاقستان رەسپۋبليكاسى پرەزيدەنتىنىڭ ءباسپاسوز حاتشىسى لاۋازىمىنا تاعايىندالدى", - دەلىنگەن جارلىقتا.

رۋسلان جەلدىباي 2022 جىلى اقپاندا پرەمەر-مينيستر كەڭسەسى باسشىسىنىڭ ورىنباسارى بولىپ تاعايىندالعان ەدى.

رۋسلان جەلدىباي 1989 جىلى جامبىل وبلىسىندا تۋعان. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، ۋوريك ۋنيۆەرسيتەتىن (ۇلىبريتانيا) بىتىرگەن. "بولاشاق" باعدارلاماسىنىڭ تۇلەگى.

ەڭبەك جولىن 2012 جىلى "قازاقستان" تەلەارناسىندا رەداكتور بولىپ باستاعان. 2012-2018 جىلدارى - "الماتى" تەلەارناسىندا ءبولىم باسشىسى، پروديۋسەر.

2018-2019 جىلدارى - قر اقپارات جانە كوممۋنيكاتسيالار كوميتەتىنىڭ ينتەرنەت كەڭىستىگىندەگى جانە الەۋمەتتىك جەلىلەردەگى اقپاراتتىق جۇمىس جونىندەگى باسقارما باسشىسىنىڭ م.ا.، باسشىسى.

2019-2020 جىلدارى - قر اقپارات جانە قوعامدىق دامۋ مينيسترلىگىنىڭ اقپارات كوميتەتى توراعاسىنىڭ ورىنباسارى.

2020 جىلدىڭ مامىر ايىنان باستاپ قازىرگى ۋاقىتقا دەيىن قر پرەزيدەنتى اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى بولعان.

Abai.kz