قىتاي بيلىگى كەيىنگى تاۋلىكتە كوروناۆيرۋس جۇقتىرعان 29 411 ادامدى انىقتادى. بۇل – پاندەميا باستالعالى بەرى ەڭ جوعارى كورسەتكىش.

تاسس اگەنتتىگىنىڭ حابارلاۋىنشا، اۋرۋدى جۇقتىرعانداردىڭ ەڭ كوپ سانى شانحايدا (2 573 ادام) جانە سولتۇستىك-شىعىس تسزيلين پروۆينتسياسىندا (325 ادام) تىركەلگەن.

قىتاي حالىق رەسپۋبليكاسىنىڭ گيگيەنا جانە دەنساۋلىق ساقتاۋ مەملەكەتتىك كوميتەتىنىڭ مالىمەتى بويىنشا، كەيىنگى تاۋلىكتە انىقتالعان 3000-نان استام اۋرۋ جۇقتىرعان ادامدا COVID-19 بەلگىلەرى راستالدى. اۋرۋدىڭ نەگىزگى بەلگىلەرى اراسىندا قىزبا، جوتەل، السىزدىك بار.

"قالعان 26 391 ادام – اۋرۋدىڭ اسيمپتوماتيكالىق تاسىمالداۋشىسى. ونىڭ 73-ءى شەتەلدەن كەلگەن، 26 318 جاعداي رەسپۋبليكا ىشىندە تىركەلگەن" دەيدى قىتاي حالىق رەسپۋبليكاسىنىڭ گيگيەنا جانە دەنساۋلىق ساقتاۋ مەملەكەتتىك كوميتەتى.

Abai.kz