قۇجاتتى دەپۋتاتتاردىڭ 363-ءى قولداپ داۋىس بەردى.

"رەسەي قارۋلى كۇشتەرىنىڭ ارەكەتى قىلمىستىق اگرەسسيا عانا ەمەس، ونىڭ ماقساتى - ۋكراين حالقىن جويۋ", - دەلىنگەن جارلىق تۇسىندىرمەسىندە.

قۇجاتتا رادا دەپۋتاتتارىنىڭ ۇندەۋى بۇۇ، ەۋروپا كەڭەسىنىڭ پارلامەنتتىك اسسامبلەياسى، ەۋروپارلاەنت، ەقىۇ جانە ناتو ۇيىمدارىنا، سونىمەن بىرگە مەملەكەتتەردىڭ ۇكىمەتتەرى مەن پارلامەنتتەرىنە جولداناتىنى ايتىلعان. رادا ولاردان رەسەيلىك اسكەردىڭ ۋكرايناداعى ارەكەتىن ۋكراين حالقىنا جاسالعان گەنوتسيد دەپ تانۋىن سۇرايدى.

بۇعان قوسا، ۋكراينا پارلامەنتى Z جانە V بەلگىلەرىنە تىيىم سالۋ تۋرالى جارلىق قابىلدادى. ولاردى كيىمگە، الەۋمەتتىك جەلىگە، باق-قا، جارناماعا، قوعامدىق ورىنداردا جازۋعا بولمايدى.

Abai.kz