شالقار ەستەن. چەمپيون - اكىم
وليمپيادا چەمپيونى، الەمنىڭ ەكى دۇركىن قولا جۇلدەگەرى باقتيار ارتاەۆ اۋىل اكىمى اتاندى. بەيجىڭ وليمپياداسىنان كەيىن ءبىراز ۋاقىت ءۇزىلىس الىپ، بوكستان قول ۇزگەن جيىرما التى جاستاعى بوكسشىنىڭ كۇتپەگەن جەردەن شەنەۋنىكتەر قاتارىن تولتىرعانى قىزىق بولدى. تاراز ماڭىنداعى ايشا-ءبيبى اۋىلدىق وكرۋگىنە اكىم بولىپ تاعايىندالعان بوكسشىنىڭ وزىمەن حابارلاسا المادىق. ال ونى بالا كۇنىنەن بوكسقا باۋلىعان باپكەرى، قازاقستاننىڭ ەڭبەك سىڭىرگەن جاتتىقتىرۋشىسى نۇرلان اقۇرپەكوۆپەن سويلەسۋدىڭ رەتى كەلدى.
- نۇرەكە، شاكىرتىڭىز اكىم بولدى دەگەندى ەستىدىك...
- ءيا، باقتياردىڭ بۇل جاڭالىعى ماعان اۋىر ءتيدى. ونىڭ بوكس قولعابىن كيگەلى بەرگى ومىرلىك جولى كوز الدىمدا. قانشاما قينالىپ، بىرگە تەر توكتىك. سپورت - ءومىردىڭ ءدال ءوزى عوي: بەلەستەرى مەن ىلديلارى ۇنەمى قاتار جۇرەدى. قۋانعان ساتتەرىمىز دە كوپ بولدى، جابىرقاعان كەزدەرىمىز دە از بولعان جوق. بىراق ماعان ءالى كۇنگە دەيىن باقتيار بوكستاعى سوڭعى ءسوزىن ايتىپ ۇلگەرگەن جوق سياقتى كورىنەدى. شاكىرتىمنىڭ الار اسۋى الدا دەپ سەنەمىن.
- سوندا باقتيار ۇلكەن سپورتتان ءبىرجولا كەتپەك پە؟
- جوق، ولاي دەپ كەسىپ ايتۋعا بولمايدى. ەكەۋمىز اڭگىمەلەسكەن كەزدە ءبىراز تىنىعىپ كورسەم، سودان سوڭ بوكس قولعابىن قايتا كيسەم دەگەن.
وليمپيادا چەمپيونى، الەمنىڭ ەكى دۇركىن قولا جۇلدەگەرى باقتيار ارتاەۆ اۋىل اكىمى اتاندى. بەيجىڭ وليمپياداسىنان كەيىن ءبىراز ۋاقىت ءۇزىلىس الىپ، بوكستان قول ۇزگەن جيىرما التى جاستاعى بوكسشىنىڭ كۇتپەگەن جەردەن شەنەۋنىكتەر قاتارىن تولتىرعانى قىزىق بولدى. تاراز ماڭىنداعى ايشا-ءبيبى اۋىلدىق وكرۋگىنە اكىم بولىپ تاعايىندالعان بوكسشىنىڭ وزىمەن حابارلاسا المادىق. ال ونى بالا كۇنىنەن بوكسقا باۋلىعان باپكەرى، قازاقستاننىڭ ەڭبەك سىڭىرگەن جاتتىقتىرۋشىسى نۇرلان اقۇرپەكوۆپەن سويلەسۋدىڭ رەتى كەلدى.
- نۇرەكە، شاكىرتىڭىز اكىم بولدى دەگەندى ەستىدىك...
- ءيا، باقتياردىڭ بۇل جاڭالىعى ماعان اۋىر ءتيدى. ونىڭ بوكس قولعابىن كيگەلى بەرگى ومىرلىك جولى كوز الدىمدا. قانشاما قينالىپ، بىرگە تەر توكتىك. سپورت - ءومىردىڭ ءدال ءوزى عوي: بەلەستەرى مەن ىلديلارى ۇنەمى قاتار جۇرەدى. قۋانعان ساتتەرىمىز دە كوپ بولدى، جابىرقاعان كەزدەرىمىز دە از بولعان جوق. بىراق ماعان ءالى كۇنگە دەيىن باقتيار بوكستاعى سوڭعى ءسوزىن ايتىپ ۇلگەرگەن جوق سياقتى كورىنەدى. شاكىرتىمنىڭ الار اسۋى الدا دەپ سەنەمىن.
- سوندا باقتيار ۇلكەن سپورتتان ءبىرجولا كەتپەك پە؟
- جوق، ولاي دەپ كەسىپ ايتۋعا بولمايدى. ەكەۋمىز اڭگىمەلەسكەن كەزدە ءبىراز تىنىعىپ كورسەم، سودان سوڭ بوكس قولعابىن قايتا كيسەم دەگەن.
- باقتيار ەلىمىز بوكس باسشىلارىنان ءبىر جىلدىق ءۇزىلىس سۇراعان ەدى. ەندى بۇل مەرزىمنىڭ ۇزارا تۇسەرى انىق. ۇزاق دەمالىس سپورتشىنىڭ بابىنا كەرى اسەرىن تيگىزىپ جۇرمەي مە؟
- ارينە، باقتيار اكىم بولىپ جۇرسە دە، سپورتتان قول ۇزبەيدى دەپ ويلايمىن. ونىڭ كۇندەلىكتى مىندەتتى تۇردە جەڭىل-جەلپى جاتتىعۋلار جاساپ تۇرارى انىق. ال الەمدىك بوكس تاجىريبەسىندە ۇزاق ۋاقىتتىق ۇزىلىستەن كەيىن دە جاقسى ناتيجەلەر كورسەتكەن سپورتشىلار جەتەرلىك. ماسەلەن ەكى دۇركىن وليمپيادا چەمپيونى رەسەيلىك ولەگ سايتوۆ افينى وليمپياداسىنىڭ الدىندا ءبىر جارىم جىلدان استام ۋاقىت بوكستان قول ۇزگەن بولاتىن. سوعان قاراماستان ول افينىدا وتكەن وليمپياداعا تاماشا دايىندىقپەن كەلدى. ولەگ سايتوۆ - 69 كەلى سالماق دارەجەسىندەگى چەمپيوندىقتان باستى ۇمىتكەر سانالدى. بىراق وزدەرىڭىز بىلەسىزدەر ول جارتىلاي فينالدا باقتياردان ۇتىلىپ قالىپ، قولا جۇلدەگەر اتاندى. سول سياقتى بەيجىڭ وليمپياداسىندا وتانداسىمىز سەرىك ساپيەۆتەن ايلاسىن اسىرعان تايلاند بوكسشىسى دا اتالعان جارىستىڭ قارساڭىندا ۇزاق ۋاقىت دەمالعان ەدى. بىراق ول دا قىسقا مەرزىمنىڭ ىشىندە سپورتتىق بابىنا قايتا كەلىپ، بەيجىڭدە كۇمىس جۇلدەگە قول جەتكىزدى. مۇنداي مىسالداردى كوپتەپ كەلتىرۋگە بولادى. سوندىقتان دا باقتيار ۋاقىتى كەلگەندە بۇرىنعى بابىن تابادى دەپ سەنەمىن.
- شاكىرتىڭىز اكىم بولارىنىڭ الدىندا سىزبەن اقىلداستى ما؟
- ءيا، ول ەل باسقارۋ ىسىنە ارالاسىپ كورگىسى كەلەتىنىن ايتىپ، مەنەن اقىل سۇرادى. ەكەۋمىز ۇزاق سويلەستىك. مەن باستاپقىدا ونىڭ بۇل شەشىمىنە قارسى بولدىم. بىراق ونىڭ شەشىم قابىلداردان بۇرىن جاقسىلاپ ويلانعانىنا كوزىم جەتتى. ىشتەي وسى ىسكە بەل بۋا دايىندالعان شاكىرتىمنىڭ بەتىنەن قاقپاعانىمىز دۇرىس دەپ تاپتىم. بالكىم باقتيار بۇگىن اۋىل باسقارىپ، تاجىريبە مەكتەبىنەن ءوتىپ، بولاشاقتا ەلىمىزدىڭ سىيلى اتقا مىنەر ازاماتتارىنىڭ بىرىنە اينالار. سول سەبەپتى ونىڭ ءومىر جولىن تاڭداۋىنا كەدەرگى كەلتىرمەي، اقىلىمدى ايتىپ، باتامدى بەردىم.
