19 ساۋىردە قىرعىزستان مەن قازاقستاننىڭ ءتيىستى مەملەكەتتىك ورگاندارى ەكى ەل شەكاراسىندا جۇك كولىكتەرىنىڭ كەپتەلىپ قالۋىنا بايلانىستى ونلاين كەزدەسۋ وتكىزەدى.

بۇل تۋرالى قىرعىزستان ۇكىمەتىنىڭ توراعا ورىنباسارى ارزىبەك كوجوشەۆ پەن قازاقستاننىڭ ۆيتسە-پرەمەر-ءمينيسترى، ساۋدا جانە ينتەگراتسيا ءمينيسترى باقىت سۇلتانوۆتىڭ كەزدەسۋىنەن كەيىن بەلگىلى بولدى.

ولار 15 ساۋىردە ەۋرازيا ەكونوميكالىق كوميسسياسى كەڭەسىنىڭ وتىرىسى اياسىندا، ماسكەۋدە جولىققان. سول كەزدە كوجوشەۆ كەلىسسوز جۇزەگە اسپاي جاتقانىن جەتكىزگەن.

ء"بىز قۇجاتتار دۇرىس ەمەس نەمەسە جوق بولعان كەزدە عانا قازاق تاراپ جۇك كولىكتەرىن كەرى قايتارادى دەپ كەلىسكەنبىز، بىراق كەپتەلىس كۇن سايىن كوبەيىپ جاتىر", - دەدى كوجوشەۆ.

11 ساۋىردە "اق تىلەك-قاراسۋ" وتكىزۋ بەكەتىندە 300-دەي جۇك كولىگى تۇرىپ قالعان. يمپورتقا تاۋەلدى قىرعىزستان ءۇشىن قازاقستان باستى ترانزيتتىك جول سانالادى.

Abai.kz