پرەزيدەنتتىڭ تۋىستارى تۋرالى زاڭ. مينيستر نە دەيدى؟
پرەزيدەنتتىڭ تۋىستارىنا قانداي لازاۋىمدى قىزمەتتەردى اتقارۋعا تيىم سالىنادى؟. بۇل سۇراققا قر ادىلەت ءمينيسترى قانات مۋسين جاۋاپ بەرىپتى.
«زاڭنامادا جاقىن تۋىستار رەتىندە اتا-انا، بالالار، اسىراپ الۋشىلار، اسىراپ الىنعاندار، اتا-اناسى ءبىر جانە اتا-اناسى بولەك اعالى-ءىنىلى مەن اپالى-سىڭلىلەر، اتاسى، اجەسى، نەمەرەلەرى سانالادى. سونداي-اق، سىبايلاس جەمقورلىققا قارسى ءىس-قيمىل تۋرالى زاڭنامادا ەرلى-زايىپتىلاردىڭ جاقىن تۋىستارى ءۇشىن دە شەكتەۋلەر بار»، - دەيدى مينيستر قانات مۋسين.
پرەزيدەنتتىڭ جارلىعىمەن ساياسي جانە اكىمشىلىك مەملەكەتتىك قىزمەتشىلەر لاۋازىمدارىنىڭ ءتىزىمى جاسالعان. ولارعا مينيسترلەر، ولاردىڭ ورىنباسارلارى، اكىمدەر، مەملەكەتتىك ورگانداردىڭ باسشىلارى جانە باسقالار كىرگىزىلگەن. كۆازيمەملەكەتتىك سەكتورعا مەملەكەت قاتىساتىن ۇيىمدار جاتادى.
«وسىلايشا، زاڭنامالىق دەڭگەيدە ءتيىستى تىيىمدار سالىنعاننان كەيىن، مىسالى، پرەزيدەنتتىڭ اعاسى، اپكەسى، بالالارى «سامۇرىق-قازىنا» نەمەسە «بايتەرەك» سياقتى ۇلتتىق كومپانيالاردا باسشىلىق قىزمەتتى اتقارا المايدى»، - دەپ ءتۇسىندىردى مينيستر.
ەستەرىڭىزگە سالا كەتەيىك، سوڭعى جولداۋىندا پرەزيدەنت توقاەۆ مەملەكەت باسشىسىنىڭ جاقىن تۋىستارىنىڭ مەملەكەتتىك جانە كۆازيمەملەكەتتىك قۇرىلىمداردا باسشىلىق لاۋازىمدارعا ورنالاسۋىنا كونستيتۋتسيالىق دەڭگەيدە تىيىم سالۋ تۋرالى ۇسىنىس ايتقان بولاتىن.
«كونستيتۋتسيادا ساياسي لاۋازىمدارعا وتىرۋعا تىيىم سالىنادى. بۇل ءتىزىم وتە كەڭ، وعان بەلگىلى ءبىر دارەجەدەگى ديپلوماتيالىق قىزمەتكەرلەر كىرەدى»، - دەپ تولىقتىردى مۋسين.
مۋسين، سونىمەن قاتار، قازىر بولگاريادا ەلشىلىك قىزمەتتە وتىرعان پرەزيدەنت قاسىم-جومارت توقاەۆتىڭ كۇيەۋ بالاسى تەمىرتاي ءىزباستيننىڭ زاڭ بويىنشا قىزمەتىنەن بوساتىلاتىنىن ايتتى. تەمىرتاي ءىزباستين مەملەكەت باسشىسىنىڭ قارىنداسى قارلىعا ىزباستينگە ۇيلەنگەن.
«مۇنداي تىيىم ەنگىزىلگەننەن كەيىن، ارينە، ءبارى زاڭعا سايكەس ورىندالادى... ول قىزمەت ورنىن بوساتادى، ويتكەنى زاڭ بويىنشا قىزمەتىندە قالا المايدى»، - دەدى ادىلەت ءمينيسترى.
Abai.kz
