“جاڭا قازاقستان” قاشان بولادى؟

1) نازارباەۆ تولىعىمەن بيلىكتەن كەتسە جانە سول كەزدەگى جەمقورلاردىڭ ءبارى جازاعا تارتىلسا;

2) كومپارتيا، نۇر-وتان كەزىنەن كەلە جاتقان شال-شاۋقانلار لاۋازىمدارىنان، ۇكىمەت، سەنات پەن ماجىلىستەن كەتكەن كەزدە;

3) الەمگە قارابەت بولعان، بۇكىل جەر شارى سانكتسيا سالىپ جاتقان، قانىشەر ءhام اگرەسسور ەل رەسەيمەن بارلىق وداقتان شىعىپ، رەسەيدەن ساياسي، ەكونوميكالىق، اقپاراتتىق، مادەني، يدەولوگيالىق، تىلدىك تاۋەلسىز العان كەزدە;

4) قازاقستان سىرتقى قارىزدارىنان قۇتىلىپ، شەتەلگە الىپ قاشقان زاڭسىز اقشانىڭ ءبارى ەلگە قايتارىلىپ، وففشورداعى اقشالاردىڭ ەسەبى تۇگەندەلگەن جاعدايدا;

5) مەملەكەتتىك قىزمەتتە، ۇكىمەتتە جانە كۆازي-مەملەكەتتىك سەكتورداعى ورىسشا شۇلدىرلەيتىندەر كەتىپ، قازاقشا ساۋاتتى سويلەپ، جازا الاتىندار ەلدى باسقارعان كەزدە عانا شىن مانىندە “جاڭا قازاقستان” بولادى. وعان دەيىن حالىقتى الدايتىن پوپۋليستىك يدەيا بولىپ قالا بەرەدى.

حالىقتىڭ كوپ بولىگى تەك تاماعىن تابۋ مەن قارىزىن جابۋ ءۇشىن جۇمىس ىستەيدى. “جاڭا قازاقستان” بولۋى ءۇشىن ايلىعى شايلىعىنا جەتپەيتىن حالىقتىڭ سانى ازايۋى كەرەك. ايتپەسە، بۇنداي ەرتەگىگە قويىم دا سەنبەيدى.

قازىرگى وتىرىك “جاڭا قازاقستاندا” بۇرىنعى بيلىكتەگى 90% شەنەۋنىك ءجۇر. سوندا ونىڭ قاي جەرى “جاڭا”؟ ەلدە كادر تاپشىلىعى بولسا، اۋرۋدى جاسىرماي اشىعىن ايتىپ، قاي ورىنعا كىم كەرەك ەكەنىن جازىپ، اشىق كونكۋرس ۇيىمداستىرسىن. ءبىر شەنەۋنىكتىڭ ورنىنا كەمى 100 كانديدات شىعاتىنىنا كەپىلدىك بەرەمىن.

نۇرلان جاناي

Abai.kz