جانجالداسۋشى تاراپتاردىڭ تىكەلەي كەزدەسۋى ەندى قاشان بولاتىنىن ايتۋ قيىن دەيدى شەنەۋنىك. رەسەيدىڭ دونباسستاعى شەبىن جاڭا شابۋىلدارمەن نىعايتۋعا ۇمتىلىسى دا كەلىسسوزدەرگە كەدەرگى كەلتىرىپ وتىر، دەپ مالىمدەدى پودولياك.
19 ساۋىردە "دحر" دەپ اتالاتىن قارۋلى توپتار "ازوۆستال" مەتاللۋرگيا كومبيناتىن تاعى دا شابۋىلدايتىنىن جاريالادى. بۇل كومبينات ماريۋپول قالاسىنىڭ رەسەي كۇشتەرىنە قارسىلىق وشاعىنا اينالعان. جىكشىلدەر اسكەري توبى باسقارۋشىلاردىڭ وكىلى ەدۋارد ءباسۋريننىڭ ايتۋىنشا، نىسانعا شابۋىلدايتىن توپ ارنايى ىرىكتەۋدەن وتكەن، وعان "رەسەي فەدەراتسياسى كومەگىن ايامايدى".
سەيسەنبى كۇنى رەسەي قورعانىس مينيسترلىگى "ازوۆستال" كومبيناتىن قورعاپ جۇرگەن ۋكراين جاۋىنگەرلەرىن ءوز ەركىمەن بەرىلۋگە شاقىردى. رەسەي ءساۋىر ايىندا عانا ماريۋپول قورعاۋشىلارىنا وسىمەن ءۇشىنشى مارتە ءوتىنىش جاسا وتىر.
رەسەي اسكەرى مەن "دونەتسك حالىق رەسپۋبليكاسى" دەلىنەتىن جىكشىلدەر ماريۋپول قالاسىن ناۋرىزدىڭ باسىندا قورشاۋعا الدى. سودان بەرى قالادا كەسكىلەسكەن ۇرىس ءجۇرىپ جاتىر. مالىمەتتەرگە قاراعاندا، ماريپۋولدە ءۇش مىڭعا جۋىق ۋكراين ساربازى بار. ولاردىڭ دەنى - "ازوۆ" باتالونى مەن تەڭىز قۇرلىق اسكەرىنىڭ 36-بريگاداسىنىڭ ساربازدارى.
Abai.kz
