ولار ۋنيۆەرسيادا وبەكتىلەرىن جوندەۋ ءۇشىن 2019 جىلى بيۋدجەتتەن بولىنگەن قارجىنى جىمقىردى دەگەن كۇدىككە ىلىنگەن (2017 جىلى قازاقستان الماتىدا قىسقى ۋنيۆەرسيادا ۇيىمداستىرعان).

قازىر "اريا-جاڭا استانا" كومپانياسىنىڭ جەتەكشىلەرىنە قاتىستى باسقا ايماقتاردا دا تەرگەۋ باستالعانى دا حابارلاندى.

انتيكوررۋپتسيا قىزمەتى "تەرگەۋ مۇددەسىنە بايلانىستى باسقا اقپارات بەرىلمەيتىنىن" ايتتى.

گۇلميرا ساتىبالدى – ەلدىڭ ەكس-پرەزيدەنتى نۇرسۇلتان نازارباەۆتىڭ نەمەرە ءىنىسى قايرات ساتىبالدىۇلىنىڭ ايەلى.

17 ناۋرىزدا جەمقورلىققا قارسى اگەنتتىك قايرات ساتىبالدىۇلى مەن گۇلميرا ساتىبالدىنىڭ ۇستىنەن "بيزنەستى رەيدەرلىك جولمەن تارتىپ الۋ" كۇدىگى بويىنشا تەرگەۋ باستاعان. گۇلميرا ساتىبالدى نۇر-سۇلتاندا ەكى ايعا قاماۋعا الىنعان ەدى.

ال 13 ناۋرىزدا جەمقورلىققا قارسى اگەنتتىك قايرات ساتىبالدىۇلىن 13 ناۋرىزدا شەتەلگە ۇشپاق بولعان جەرىنەن ۇستاپ، ەكى ايعا قاماعان. ول "قازاقتەلەكوم" كومپانياسىنان اسا ءىرى كولەمدە اقشا جىمقىردى دەگەن كۇدىككە ءىلىندى.

قايرات ساتىبالدىۇلى – Forbes جۋرنالى ونى ەلدەگى ەڭ باي ەلۋ بيزنەسمەن تىزىمىنە ەنگىزگەن. ونىڭ داۋلەتى 163 ميلليون دوللارعا باعالانعان.

كەمى 238 ادامنىڭ ءومىرى قيىلعان قاڭتار دۇربەلەڭىنەن سوڭ ەلدە نازارباەۆتىڭ اينالاسىنداعى ادامدار قىزمەتتەن كەتىپ، كەيبىرى قاماۋعا الىندى. ەكس-پرەزيدەنتتىڭ باۋىرى بولات نازارباەۆتى رەيدەرلىككە ايىپتاعاندار كوبەيدى. ال نازارباەۆتىڭ ۇلكەن قىزى داريعا نازارباەۆا دەپۋتاتتىق مانداتىن تاپسىرىپ بەرگەن.

بۇرىنعى پرەزيدەنتتىڭ قىزدارى، باۋىرى بولات نازارباەۆتىڭ قازىر قايدا ەكەنى بەلگىسىز، ولار قاڭتار وقيعاسىنان بەرى جۇرت الدىنا شىقپادى.

ساراپشىلار قاڭتار وقيعاسىنان سوڭ ەلدە نازارباەۆتىڭ ىقپالى السىرەپ، توقاەۆتىڭ بيلىگى نىعايعانىن، نازارباەۆ كلانى مەن توقاەۆ اراسىندا بيلىككە تارتىس بولعانىن ايتقان. توقاەۆ تا، نازارباەۆ تا بيلىككە تارتىستى جوققا شىعارعان ەدى.

Abai.kz