بۇگىن شىمكەنت قالاسىندا ىشكى ىستەر سالاسىن جەتىلدىرۋ ماسەلەسى تالقىلاندى. وتىرىسقا ىشكى ىستەر ءمينيسترى مارات احمەتجانوۆ، ءماجىلىس دەپۋتاتى بەرىك بەكجانوۆ، قالا اكىمى مۇرات ايتەنوۆ پەن قۇقىق قورعاۋ ورگاندارىنىڭ باسشىلارى مەن ءماسليحات دەپۋتاتتارى قاتىستى.

وتىرىستا بەرىك بەكجانوۆ ەلىمىزدە مەملەكەتتiك تiركەۋ ءنومiرi جوق نەمەسە كولىك قۇرالىنا جالعان، قولدان جاسالعان نومiرلەردى پايدالانۋ ارقىلى كولىك جۇرگىزۋ فاكتىلەرى كەڭ ەتەك العانىنا نازار اۋداردى.

مەملەكەت باسشىسى قاسىم-جومارت توقاەۆ كولىك ءنومىرىن قولدان جاساۋ نەمەسە جالعان ءنومىر پايدالانۋ بويىنشا جاۋاپكەرشىلىكتى كۇشەيتۋدى تاپسىردى. ءبىز ەڭ الدىمەن حالىقتىڭ تالاپ-تىلەگىن ورىنداپ، وسىنداي بۇزاقىلىقپەن كۇرەسۋىمىز كەرەك. بۇگىنگى تاڭدا مۇنداي زاڭ بۇزۋشىلىقتارعا «اكىمشىلىك قۇقىقبۇزۋشىلىقتار تۋرالى» جانە قىلمىستىق كودەكستەردە بىرقاتار جازا قاراستىرىلعان. الايدا جاۋاپكەرشىلىكتىڭ جۇمساقتىعى حالىق اراسىندا الاڭداتۋشىلىق تۋعىزىپ وتىر. وسىعان وراي قازىرگى تاڭدا ماجىلىستە وسى زاڭ جوبالارىنداعى نورمالار قايتا قارالىپ، جاۋاپكەرشىلىك كۇشەيتىلۋدە. ويتكەنى زاڭسىز نومىرمەن نەمەسە مۇلدەم ءنومىرسىز كولىك جۇرگىزۋ اۋىر قىلمىس جاساۋعا اپارۋى مۇمكىن، – دەدى ءماجىلىس دەپۋتاتى.

مەملەكەت باسشىسى قاسىم-جومارت كەمەلۇلى توقاەۆ جولداۋىندا  زاڭ ۇستەمدەگىن ورناتۋعا باسا نازار اۋداردى. وسى ورايدا دەپۋتاتتار قۇقىق قورعاۋ ورگاندارىنىڭ قىزمەتىن جەتىلدىرۋگە جانە جول كولىك وقيعالارىن الدىن الۋ ءۇشىن زاڭدى قاتاڭداتۋعا ەرەكشە ءمان بەرۋدە.

اتاپ ايتاتىن بولساق، «اكىمشىلىك قۇقىقبۇزۋشىلىقتار تۋرالى» كودەكستە زاڭسىز مەملەكەتتiك تiركەۋ ءنومiرiن قولدانعاندارعا بەس ايلىق ەسەپتiك كورسەتكiشتەن  (15 315 تگ)  ءتورت ءجۇز (1 225 200 تگ) ايلىق ەسەپتiك كورسەتكiش مولشەرiندە ايىپپۇل سالىنادى.

ال قىلمىستىق كودەكستە كولىك ءنومىرىن قولدان جاساۋ نەمەسە جالعان ءنومىر پايدالانۋعا ەكى مىڭ ايلىق ەسەپتىك كورسەتكىشكە (6 126 000 تگ) دەيىنگى مولشەردە ايىپپۇل سالۋ نەمەسە ەكى جىلعا دەيىنگى مەرزىمگە باس بوستاندىعىن شەكتەۋ قاراستىرىلعان.

ايتا كەتۋ كەرەك، باس پروكۋراتۋرانىڭ مالىمەتىنە سايكەس، اتالعان فاكتىلەر بويىنشا 2022 جىلدىڭ I توقسانىندا بارلىعى 73 124 قۇقىقبۇزۋشىلىق تىركەلىپ، 72 628 فاكت بويىنشا اكىمشىلىك ايىپپۇل سالىنىپ، 16 جۇرگىزۋشى جۇرگىزۋشى كۋالىگىنەن ايرىلعان.

Abai.kz