ءماجىلىس سپيكەرى ەرلان قوشانوۆ «التىن وردا» بازارىنداعى زاڭ بۇزۋشىلىقتار ءۇشىن «بولات نازارباەۆ جاۋاپقا تارتىلا ما؟» دەگەن سۇراققا جاۋاپ بەردى،- دەپ جازدى nege.kz سايتى.

تاياۋدا الماتى وبلىسىنىڭ اكىمى قانات بوزىمباەۆتىڭ «التىن وردا» بازارىنداعى زاڭ بۇزۋشىلىقتار تۋرالى ايتقان سۇحباتى شىقتى. ونىڭ ايتۋىنشا، «التىن وردا» بازارىن ەكس-پرەزيدەنتتىڭ ءىنىسى بولات نازارباەۆ پەن ونىڭ تۋىستارى باسقارادى.

«بىرىنشىدەن، الماتىداعى «التىن وردا» بازارى تۋرالى ايتقان قانات بوزىمباەۆتىڭ سۇحباتىن كورگەن جوقپىن. التىن وردا بازارىنا قاتىستى قازىرگى ۋاقىتتا تەرگەۋ امالدارى جۇرگىزىلىپ جاتىر.  ەگەر قىلمىس جاساسا، بازاردىڭ قوجايىنى بولسىن، باسشىسى بولسىن، ءتيىستى جازاعا تارتىلادى. مەنىڭ ويىمشا، ادىلەتتى شەشىم شىعادى، ارتىن كۇتۋ كەرەك»، - دەدى ەرلان قوشانوۆ.

«بولات نازارباەۆتىڭ قاشىپ كەتكەنى راس پا؟» دەگەن سۇراققا قوشانوۆ «ول تۋرالى مەندە مۇلدە اقپارات جوق» دەپ جاۋاپ قايتارعان.

Abai.kz