قىرعىزستاننىڭ ۇلتتىق قاۋىپسىزدىك كوميتەتى تۇركيادان “بايراكتار” سوققى بەرەتىن ۇشقىشسىز ۇشاقتاردى ساتىپ الماعانىن حابارلادى. ارنايى قىزمەت مالىمەتىنە سايكەس، تاجىك تاراپ “بايراكتاردى” شىعارعان تۇركيالىق كومپانيامەن كەلىسىم-شارتقا وتىرعان ەمەس.

"سەنىمدى مالىمەتتەرگە قاراعاندا، تاجىك تاراپ "بايراكتار" ۇشقىشسىز ۇشاقتاردى شىعارۋشى "بايكار ماكينا" كومپانياسىمەن، سول سەكىلدى باسقا دا تۇركيالىق وندىرۋشىلەرمەن ەشقانداي كەلىسىم شارت تۇزبەگەن", - دەلىنگەن ارنايى قىزمەت تاراتقان مالىمدەمەدە.

ۇلتتىق قاۋىپسىزدىك كوميتەتى مالىمدەمەسىندە قىرعىزستان ورتالىق ازيا ەلدەرىندە تۇراقتىلىقتى جانە قاۋىپسىزدىكتى ساقتاۋ ءۇشىن بارلىق كۇش-ارەكەتىن جۇمساپ، بەيبىت كورشىلىك ساياساتىن جۇرگىزەدى دەلىنگەن.

قىرعىزستان تۇركيادان ساتىپ العان ۇشقىشسىز ۇشاقتاردى اۋعانستانداعى جاعدايعا بايلانىستى ورتالىق ازيا ەلدەرىنە تەرروريستىك جانە ءدىني-ەكسترەميستىك قاۋىپتىڭ الدىن الۋىنا بايلانىستى العانىن جەتكىزدى.

ارنايى قىزمەت "قىرعىز تاراپ كورشى مەملەكەتتەرگە قارسى اگرەسسيۆتى ساياساتتى ەشقاشان قولدانعان ەمەس جانە قولدانبايدى" دەپ مالىمدەدى.

بىلتىر جەلتوقسان ايىندا ۇلتتىق قاۋىپسىزدىك كوميتەتىنىڭ شەكارا قىزمەتىنە "بايراكتار"ۇشقىشسىز ۇشاق اپپاراتتارى تاپسىرىلعان. جاقىندا تاجىكستان تۇركيادان "بايراكتاردى” ساتىپ الاتىنى تۋرالى مالىمەت تاراعان. بىراق رەسمي دۋشانبە بۇل بويىنشا اقپارات بەرگەن ەمەس.

Abai.kz