قۇراما شتاتتاردىڭ مالىمەتىنشە، رەسەي ءوزىن ءوزى جاريالاعان دونەتسك حالىقتىق رەسپۋبليكاسى ("دحر") مەن لۋگانسك حالىقتىق رەسپۋبليكاسىن ("لحر") اننەكسيالاپ، حەرسون وبلىسىنىڭ تاۋەلسىزدىگىن تانىماقشى.

بۇل جونىندە ەۋروپاداعى قاۋىپسىزدىك جانە ىنتىماقتاستىق ۇيىمىنىڭ امەريكالىق ەلشىسى مايكل كارپەنتەر بارلاۋ قىزمەتىنە سۇيەنىپ مالىمدەدى.

ماسكەۋ رەسەيشىل جىكشىلدەر باقىلايتىن لۋگانسك مەن دونەتسك وبلىستارىنا رەسەيگە قوسىلۋدى قولدايتىن "فورمالدى تۇردە رەفەرەندۋم" وتكىزبەكشى.

مايكل كارپەنتەردىڭ ايتۋىنشا، رەسەي سونىمەن بىرگە رەفەرەندۋمدا حەرسوننىڭ تاۋەلسىزدىگىن دە كوتەرمەكشى.

ول مۇنداي قادام مامىر ايىنىڭ ورتاسىندا ءوتۋى مۇمكىن ەكەنىن جەتكىزدى. ول اتالعان قالالاردىڭ اكىمدەرى مەن جەرگىلىكتى كەڭەس مۇشەلەرى كەپىلدىككە الىنىپ، ينتەرنەت پەن ۇيالى بايلانىس ءوشىرىلۋى مۇمكىن ەكەنىن ەسكەرتتى. امەريكالىق ەلشى سول ايماقتاعى مەكتەپتەرگە ورىس باعدارلامالارى ەنگىزىلۋى مۇمكىن ەكەنىن دە ايتتى.

Abai.kz