قازاقستانداعى كوررۋپتسياعا قارسى قىزمەت ەربول نازارباەۆتىڭ جۇمىستان كەتكەنىن مالىمدەدى. ول - نۇرسۇلتان نازارباەۆتىڭ ءىنىسى بولاتتىڭ ۇلى.

"2022 جىلدىڭ 26 قاڭتارىندا ەربول نازارباەۆ اگەنتتىك توراعاسىنىڭ بۇيرىعىمەن ارنايى دەپارتامەنت باسشىسى ورىنباسارى قىزمەتىنەن الىندى", - دەلىنگەن اگەنتتىك تاراتقان مالىمەتتە.

مەكەمە ەربول نازارباەۆتىڭ 14 ساۋىردە كوررۋپتسياعا قارسى قىزمەتتەن تولىق كەتكەنىن جەتكىزدى. تاياۋدا الەۋمەتتىك جەلىلەردە پوليتسيا تەرەزەسى قارامەن بويالعان قىمبات كولىكتى توقتاتقانى جونىندە اقپارات جاريالانعان. وندا بولات نازارباەۆتىڭ تۋىسى وتىرعانى ايتىلعان.

ەربول نازارباەۆ لاۋازىمدى قىزمەتكە 2020 جىلدىڭ قاراشا ايىندا تاعايىندالعان. قاڭتار وقيعاسىنان كەيىن نۇرسۇلتان نازارباەۆ قاۋىپسىزدىك كەڭەسى توراعاسى قىزمەتىنەن كەتتى. ول ءوزىن ء"جاي عانا زەينەتكەرمىن" دەپ اتاپ، ۆيدەو مالىمدەمە جاسادى.

بولات نازارباەۆ قاڭتار وقيعاسىنان كەيىن قىرعىزستان ارقىلى دۋبايعا قاشىپ كەتكەن.

Abai.kz