تاجىكستاننىڭ وڭتۇستىگىندەگى كۋشونيون اۋدانىندا جۇزدەگەن گەكتار جەردەگى ەگىستىك پەن جايىلىمدى شەكىرتكە جەپ قويدى.

تۇرعىندار شەگىرتكە شابۋىلىنا تويتارىس بەرە الماي ءجۇر. تراكتورشى يديبەك ابدۋللوەۆ ءبىر ايدان بەرى ەگىستىككە جاندىكتەردى ولتىرەتىن حيميالىق زات سەۋىپ كەلەدى.

"ولار تاڭەرتەڭ ەرتە ۇشىپ كەلەدى. ءبىز شەگىرتكەلەردى ءولتىرىپ جاتىرمىز، ازايعانداي بولدى. ۋماركازوك ەلدى مەكەنىندە ولار قاپتاپ جۇرەتىن. تاعى بىرنەشە تراكتورشى باسقا اۋدانداردا ءجۇمىس ىستەيدى. تراكتور جۇرە الاتىن جەرلەردىڭ بارىنە حيميالىق زات سەۋىپ تاستادىق", — دەيدى ول.

تۇرعىندار شەگىرتكە كورشىلەس ۆاكش اۋدانىنان ۇشىپ كەلىپ جاتقانىنا شاعىمداندى. بۇل اۋدان جاندىكتەرمەن كۇرەسپەيدى دەيدى ولار. قازىردىڭ وزىندە شەگىرتكە ونداعان گەكتار جايىلىمدى بۇلدىرگەن.

ء"ۇي جانۋارلارى بىزگە ءسۇت، ەت پەن ماي بەرەدى. جايىلىمدى شەگىرتكە جەپ كەتسە، جانۋارلار اشىعادى. ولار مال شارۋاشىلىعىنا دا كەسىرىن تيگىزىپ جاتىر", — دەيدى تۇرعىنداردىڭ ءبىرى.

حاتلون وبلىسىنداعى ەگىستىك پەن جايىلىم بۇعان دەيىن دە شەگىرتكە شابۋىلىنا ۇشىراعان. بىلتىر جاندىكتەر كوكونىس القابىن بۇلدىرگەن.

Abai.kz