باتىس ەلدەرىنىڭ ساياساتكەرلەرى وتە ايلاكەر، وتە اقىلدى بولىپ شىقتى. سول ءۇشىن ۋكراينانى قۇرباندىققا شالدى. ۋكرايناعا اسكەري كومەك بارىنشا قولعا الىندى. اقش پەن ەۋروپا ەلدەرى ۋكراينانىڭ جەڭىسكە جەتەتىنىنە ستاۆكا قويىپ جاتىر. رەسەي تاراپىنا دۇرىستاۋ كوزقاراستاعى گەرمانيا دا قازىر ۋكرايناعا كومەككە كەلىپ جاتىر. اقش م777 ماركالى ەڭ ۇزدىك گاۋبيتسيالارىن جەتكىزدى.

باتىس ەلدەرى ءبىز ۋكراينانى ناتو مەن ەۋرووداقتىڭ قۇرامىنا قوسامىز، سوعىستان كەيىن حالىقارالىق قاۋىمداستىقتى ۋكراينانىڭ قيراعان قالالارىنىڭ ءبارىن قالپىنا كەلتىرۋگە شاقىرامىز دەپ وتىر. اقش پرەزيدەنتى دجو بايدەن جاقىندا عانا اقش-تىڭ مەملەكەتتىك حاتشىسى ەنتوني بلينكەن مەن قورعانىس ءمينيسترى وستين للويدتى ۋكرايناعا جىبەردى. بۇلارمەن بىرگە ۋلىبريتانيانىڭ بىرنەشە گەنەرالدارى مەن كادرلارى كەلدى. اقش تاراپى ۋكراينانى پۋتين ويلاعانداي ەمەس، ناعىز سۋۆەرەنيتەتتى ەل بولاتىنىنا، ەۋرووداقپەن بىرلەسە وتىرىپ اسكەري كومەكتى قوسىمشا جىبەرەتىنىن ايتتى.

اقش-تىڭ قورعانىس ءمينيسترى رەسەيدىڭ ارى قاراي سوعىسا بەرۋگە شاماسى جوق، سوندىقتان سوعىستى توقتاتىپ، كەلىسىمگە كەلۋگە رەسەيدىڭ ءوزى مۇددەلى بولىپ وتىر. ءبىز رەسەيدىڭ اسكەري پوتەنتسيالىن بارىنشا توقىراتامىز، وعان دەيىن توقتامايمىز، دەپ مالىمدەدى.

ۋكراينانى قۇرباندىققا شالىپ، ناعىز رۋسو-ءفاشيزمدى قۇلاتسا، الەمنىڭ تىنىسى اشىلاتىن ەدى.

بەكبولات قارجان

Abai.kz