اينالايىن باسشىلار، قازاق ءتىلىن سىيلاساڭدارشى!
اينالايىن يدەولوگتار مەن اقپارات ساياساتىنىڭ باسشىلارى! قازاق ءتىلىن سىيلاساڭىزدارشى!
ءبىر كۇن بۇرىن پرەزيدەنتتەرىڭىز كونستيتۋتسيالىق رەفەرەندۋم وتەتىنىڭ تۋرالى مالەمدەدى. سوعان قاتىستى ماقالا جازايىن دەسەم، ۇسىنىلىپ وتىرعان وزگەرىستەردىڭ ءماتىنى باق-تا تەك ورىس تىلىندە عانا بار.
ينتەرنەتتى شارلاپ، قازاقشاسىن ىزدەدىم.
جوق!
تاعى دا «ەسكى قازاقستانداعىداي» رەسمي ماتىندەردى ورىسشادان ءوزىمىز اۋدارامىز با؟ ۇيات دەگەن بولۋ كەرەك قوي وسى! ەرتەڭ سول رەفەرەندۋمدارىڭنىڭ دا تاعدىرىن شەشەتىن دە سول قازاقتار ەمەس پە؟
پرەزيدەنت، پارلامەنت، ۇكىمەتتىڭ رەسمي قۇجاتتارى، رەفەرەندۋمعا ۇسىنىلاتىن وزگەرىستەر الدىمەن مەملەكەتتىك تىلدە جاريالانۋى كەرەك ەمەس پە؟!
ءتۇيىن: كوممەنتتە ءبىر باۋىرىم «ەگەمەن قازاقستاندى» مىسال رەتىندە كەلتىرىپتى. دۇرىس ەكەن! بىراق ول گازەتتى ءبارى وقي بەرمەيدى. جانە دە مەن مەملەكەتتەگى بۇكىل اقپارات جۇيەسىندە قالىپتاسقان تەرىس ءداستۇردى ايتىپ وتىرمىن، ياعني قۇجات الدىمەن ورىسشا جاريالانادى دا، قازاقشاسى سوعان قوسىمشا بوپ جاتادى.
ءامىرجان قوساننىڭ جازباسى
Abai.kz
